Turecki prezident Erdahan za adzin dzień zvolniŭ 15 000 čynoŭnikaŭ i zakryŭ sotni niaŭradavych arhanizacyj, siarod jakich najbujniejšyja pravaabarončyja abjadnańni krainy i ŚMI, paviedamlaje DW.
U aŭtorak, 22 listapada, u Turcyi ŭkazam prezidenta Redžepa Taip Erdahana byli zvolnienyja bolš za 15 700 dziaržaŭnych čynoŭnikaŭ. Siarod ich prykładna 7500 supracoŭnikaŭ i kiraŭnikoŭ palicyi, 2500 sałdat i supracoŭnikaŭ VPS, VMS i žandarmieryi Turcyi, 5000 rabotnikaŭ ministerstvaŭ i dziaržustanoŭ, ź jakich 3000 słužyli ŭ MUS. Akramia taho, zvolnienyja kala 1000 supracoŭnikaŭ VNU i nastaŭnikaŭ. Usich ich padazrajuć u suviaziach z terarystyčnymi arhanizacyjami. Ich imiony apublikavanyja ŭ internecie.
Akramia hetaha, byli zakrytyja 375 niaŭradavych abjadnańniaŭ, 19 miedycynskich centraŭ, 18 fondaŭ, 9 rehijanalnych ŚMI, siarod jakich siem haziet, adzin časopis i adna radyjostancyja.
Niaŭradavyja arhanizacyi zajmalisia, siarod inšaha, pravaabarončaj dziejnaściu, baraćboj suprać katavańniaŭ, jurydyčnaj padtrymkaj žančyn, jakija stali achviarami chatniaha hvałtu, akazańniem dapamohi biežancam na terytoryi Turcyi i abaronaj pravoŭ dziaciej.
«Zakryćcio kala 400 niaŭradavych arhanizacyj — heta častka pastajannych i sistematyčnych sprobaŭ tureckich uładaŭ nazaŭždy prymusić zamaŭčać usie hałasy, jakija ich krytykujuć», — skazaŭ dyrektar jeŭrapiejskaha adździaleńnia mižnarodnaj pravaabarončaj arhanizacyi Amnesty International Džon Dałchusen.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?6
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary