Siamihadovaja Bana Ałabied, čyje tvity z asadžanaha Alepa pryciahnuli ŭvahu ŭsiaho śvietu, źnikła z sacyjalnych sietak.
Dziaŭčynka pisała ŭ tvitary pa-anhlijsku pad imiem @alabedbana. Joj dapamahała mama, jakaja pracuje nastaŭnicaj. U svaich paviedamleńniach Bana Ałabied apisvała paŭsiadzionnaje žyćcio ŭ horadzie.
Ale ŭ niadzielu ŭ rajon Alepa, dzie žyvie Ałabied, ustupiła siryjskaja armija. U toj ža dzień ulikovy zapis dziaŭčynki byŭ vydaleny.
Apošnija tvity napisała jaje maci. «Maliciesia za nas. Byvajcie!» — dadaje jana ŭ kancy dopisa.
Under attack. Nowhere to go, every minute feels like death. Pray for us. Goodbye - Fatemah #Aleppo
— Bana Alabed (@AlabedBana) 5 diekabria 2016 h.
We are sure the army is capturing us now. We will see each other another day dear world. Bye.- Fatemah #Aleppo
— Bana Alabed (@AlabedBana) 4 diekabria 2016 h.
Na tvitar Bany byli padpisany bolš za 100 tysiač karystalnikaŭ. Zapisy ŭ im publikavali jak sama Bana, tak i jaje mama Facima. Jany apisvali svajo žyćcio na ŭschodzie Alepa pad pastajannymi abstrełami i bambiožkami.
U kastryčniku Facima raspaviała Bi-bi-si, što jaje dačka chacieła b, kab śviet pačuŭ ich hałasy.
U adnym tvicie ŭ listapadzie kazałasia: «Siońnia ŭ nas niama doma, jon razburany bombaj i ja apynułasia siarod ruinaŭ. Ja bačyła miortvych i amal pamierła».
U inšym paviedamleńni dziaŭčynka paviedamlała pra śmierć siabroŭki, jakaja zahinuła pad bombami.
Jašče ŭ adnym videa, raźmieščanym u zapisie, Bana źjaŭlajecca razam z bratami - piacihadovym Machamiedam i trochhadovym Nuram. U tvicie skazana: «My malujem z bratami pierad prylotam samalotaŭ Nam patrebny mir, kab malavać».
Inšaje karotkaje videa adlustroŭvaje jaje z bratami ŭ pakoi. «My budziem žyć razam viečna», - napisała Bana.
Tvitar siamihadovaj dziaŭčynki z Alepa: «Kali łaska, chopić nas zabivać»
Ciapier čytajuć
Siłaviki zatrymali lidara hurta «Pałac» Aleha Chamienku4
Siłaviki zatrymali lidara hurta «Pałac» Aleha Chamienku
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami44
Kamientary