Amatary biazhłuzdych žartaŭ spuścili ź leśvicy bočku z kvasam u Połacku, padpalili siem bijatualetaŭ na nabiarežnaj u Rečycy, skrali pakatacca čatyry «Žyhuli» ŭ Mazyry.
Administracyja Połackaha kanservavaha zavodu zafiksavała ŭžo dva fakty varvarskich učynkaŭ u adnosinach da majomaści pradpryjemstva — kvasnych bočak. U Navapołacku amatary biazhłuzdych žartaŭ zaciahnuli bočku ad kramy «Dziciačy śviet» u dvor, sprabavali jaje ŭzłamać. U druhim vypadku bočku šturchnuli z prystupak ad połackaj kramy «Frydrychschafen». Navučanyja horkim vopytam, rabotniki pradpryjemstva napiaredadni Kupalla prybrali ŭsie bočki na svaju terytoryju.
Na nabiarežnaj Dniapra ŭ Rečycy kala amfiteatra niechta padpaliŭ siem bijatualetaŭ. Kamunalnaje ŭnitarnaje pradpryjemstva paniesła straty bolš jak na 13 miljonaŭ rubloŭ. Usčataja kryminalnaja sprava.
Na praciahu tydnia dva vučni adnoj sa škoł Mazyra ŭzrostam 15 i 16 hadoŭ, jakija znachodziacca na ŭliku ŭ inspekcyi pa spravach niapoŭnahadovych i ŭžo asudžalisia (adzin — za kradziažy, druhi — za rabaŭnictva), skrali čatyry lehkaviki, jakija naležali žycharam Rečycy, Mazyra i Homiela. Charakterny fakt: padletki cikavilisia tolki aŭtamabilami marki «Žyhuli». Usie lehkavuški byli znojdzienyja ŭ technična spraŭnym stanie, z čaho možna zrabić vysnovu, što chłapčuki mieli namier pakatacca, pavandravać. Ale heta nie źnimaje ź ich adkaznaści.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary