U Minharvykankam padadzienaja zajaŭka na praviadzieńnie 15 sakavika «Maršu niedarmajedaŭ»
30 studzienia ŭ Minski harvykankam padadzienaja zajaŭka na praviadzieńnie 15 sakavika «Maršu niedarmajedaŭ» suprać dekreta prezidenta № 3 «Ab papiaredžańni sacyjalnaha ŭtrymanstva».
Pra heta BiełaPAN paviedamiŭ adzin z zajaŭnikaŭ akcyi, adkazny sakratar arhkamiteta pa stvareńni partyi «Biełaruskaja chryścijanskaja demakratyja» Dzianis Sadoŭski.
Svaje podpisy pad zajavaj u harvykankam taksama pastavili staršynia Biełaruskaj sacyjał-demakratyčnaj partyi (Hramada) Iryna Vieštard, namieśnik staršyni Biełaruskaj partyi «Zialonyja» Dźmitryj Kučuk i aktyvist Abjadnanaj hramadzianskaj partyi Uładzimir Łabudoŭ.
Arhanizatary akcyi prosiać dazvolić šeście ad budynka Nacyjanalnaj akademii navuk da płoščy Banhałor.
«Farmat akcyi praduhledžvaje, što heta budzie šeście nie dla apazicyi, a dla novych ludziej, jakija nie zadavolenyja ŭkazam i jakija ŭžo ciapier hatovyja adstojvać svaje pravy. Płanujecca, što akcyja budzie dazvolenaja, i ŭ joj voźmuć udzieł maksimalnaj kolkaści ludziej», — skazaŭ Sadoŭski.
Pavodle jaho słoŭ, marš projdzie «pad łozunhami admovy ad vypłaty padatku na «darmajedstva» jak niekanstytucyjnaha i abarony svaich pravoŭ».
U arhkamitet «Maršu niedarmajedaŭ» uvachodziać Biełaruskaja partyja levych «Spraviadlivy śviet», AHP, ruch «Za Svabodu», arhkamitety pa stvareńni BCHD, Partyi pracoŭnych i partyi «Nadzieja», BSDP (Hramada), Biełaruskaja partyja «Zialonyja» i hramadzianskaja kampanija «Naš dom».
Vaskrasienski patłumačyŭ, što Łukašenka choča ŭ abmien na palitviaźniaŭ. I pachvaliŭ Usava, Bałkunca i Harbunovu31
Kamientary