Adkryvajecca novy siezon «Knihi hoda» — premii, jakuju ŭručajuć sami piśmieńniki za najlepšuju knihu, napisanuju biełarusam ci ŭ Biełarusi na luboj movie, jakoj karystajucca biełarusy.
Premija budzie prysudžacca za najlepšuju knihu, vydadzienuju ŭ 2016 hodzie. Na vybar knihi-pieramožcy moža paŭpłyvać kožny siabar žury, a pa sutnaści — luby biełaruski litaratar.
U hetym hodzie premija budzie ŭručacca adnoj knizie niezaležna ad žanru — naminacyi nie praduhledžanyja. Pieramožca atrymaje pryz u pamiery 1000 jeŭra ŭ ekvivalencie pa kursie Nacbanka.
Sioleta ŭ žury premii «Kniha hodu» moža ŭvajści luby piśmieńnik albo pierakładčyk, jaki ciaham apošnich siami hadoŭ vydaŭ chacia b adnu mastackuju abo non-fikšn knihu. Dla taho, kab prahałasavać, treba da 20 lutaha zapoŭnić formu na sajcie premii.
Uručeńnie premii adbudziecca ŭ sakaviku. Papiarednija pieramožcy: Alhierd Bacharevič z knihaj «Dzieci Alindarki», Anton Rudak z knihaj «Vierchni horad», Volha Hapiejeva z knihaj «Sumny sup» i Ludmiła Rubleŭskaja z knihaj «Avantury studyjozusa Vyrviča» (u 2015 hodzie premija ŭručałasia ŭ troch naminacyjach: «Proza», «Paezija», «Dziciačaja litaratura»), Andrej Chadanovič z knihaj «Natatki tatki» (2016).
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary