Ministr adukacyi choča, kab u škołach było bolš urokaŭ pracy
Praca nad abnaŭleńniem navučalnych prahram budzie praciahvacca. Pra heta zajaviŭ siońnia žurnalistam ministr adukacyi Ihar Karpienka, kamientujučy vystup Łukašenki na sustrečy z pradstaŭnikami hramadskaści, biełaruskich i zamiežnych ŚMI, pieradaje BIEŁTA.
«My siońnia aktyŭna pracujem nad źmiestam navučalnych prahram. Idzie ich pierajnačvańnie, unosiacca karektyvy. Pastajanna źjaŭlajucca novyja viedy, jakija treba ŭ toj ci inšaj miery dać u škole i inšych navučalnych ustanovach. My budziem hladzieć, što pavinna zastavacca ŭ hetych prahramach, a što nie, na jakija temy treba vyłučyć bolš hadzin, a na jakija mienš. Heta pastajanny praces. Praca nad abnaŭleńniem navučalnych prahram viadziecca i budzie praciahvacca», — skazaŭ Karpienka.
U jakaści prykładu elemientaŭ navučalnych prahram, jakija majuć patrebu va ŭdaskanaleńni, ministr adukacyi pryvioŭ toj fakt, što ŭ škole z 5-ha pa 9-y kłas na pracoŭnaje navučańnie vyłučajecca ŭsiaho tolki adna hadzina na tydzień.
«Ale ž małady čałaviek ci dziaŭčyna pavinny mieć navyki, jakija mohuć spatrebicca ŭ paŭsiadzionnym siamiejnym žyćci. Hałoŭnaja zadača škoły — padrychtavać dzicia da vychadu ŭ samastojnaje žyćcio», — adznačyŭ ministr adukacyi. Jon dadaŭ, što farmavańniu padobnych navykaŭ možna pryśviacić šosty školny dzień.
Apytanka
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary