Nazvali abłasny centr Biełarusi z samym vysokim uzroŭniem radyjacyi
Biełhidramiet abnaviŭ danyja radyjacyjnaha manitorynhu.
U Biełhidramiecie adznačyli, što radyjacyjnaja abstanoŭka ŭ krainie stabilnaja i trymajecca na ŭzroŭni naturalnaha radyjacyjnaha fonu. Pry hetym uzrovień radyjacyi ŭ abłasnych haradach adroźnivajecca.
Na 18 červienia 2026 hoda samy vysoki ŭzrovień radyjacyi siarod abłasnych centraŭ zafiksavali niečakana ŭ Viciebsku — 0,11 mkZv/h (mikraziviert na hadzinu). U Breście, Homieli, Hrodnie, Minsku i Mahilovie značeńni adnolkavyja — 0,1 mkZv/h.
Bolš vysoki ŭzrovień fiksujuć na stancyjach manitorynhu. U Brahinie ŭzrovień mahutnaści dozy hama-vypramieńvańnia skłaŭ 0,46 mkZv/h, u Słaŭharadzie — 0,18 mkZv/h. U Biełhidramiecie śćviardžajuć, što hetyja pakazčyki adpaviadajuć ustalavanym šmathadovym značeńniam. I taki fon źviazany jak raz z avaryjaj na ČAES.
Zručniej za ŭsio budzie paraŭnać hetyja ličby z renthienam. Doza ad adnaho renthienałahičnaha daśledavańnia hrudnoj kletki ŭ darosłaha składaje kala 0,1 mZv, abo 100 mkZv, piša smartpress.by.
Pry ŭzroŭni 0,46 mkZv/h, zafiksavanym u Brahinie, takuju dozu čałaviek atrymaŭ by prykładna za 217 hadzin — kala 9 sutak bieśpierapynnaha znachodžańnia ŭ hetym punkcie. Pry ŭzroŭni 0,10 mkZv/h — prykładna za 1000 hadzin, heta značyć amal 42 sutak.
Kamientary
Tamu pytańnie adkul na Viciabščynie taki ŭzrovień radyjacyi?
Ci źviazana heta z byłoj Ihalinskaj AES, sa Smalenskaj AES, z Astravieckaj AES ci ź niečym jašče?
Źviazana