Debaty ab Biełarusi ŭ Brytanskim parlamencie

16 lipienia ŭ Brytanskim parłamiencie vialisia dyskusii pa Biełarusi.

Debaty raspačaŭ deputat ad Kansiervatyŭnaj partyi Mark Prytčard, jaki naviedaŭ Biełaruś u traŭni. Ad imia Ŭradu vystupaŭ Kim Choŭełs, namieśnik ministra zamiežnych spraŭ Złučanaha Karaleŭstva. Taksama vystupali Mark Fransua, ministr Jeŭrapiejskich spravaŭ cieniavoha ŭradu Kansiervatyŭnaj partyi, i Džo Suinsan, namieśnik ministra zamiežnych spravaŭ cieniavaha ŭradu ad Libieralna-Demakratyčnaj partyi.

Asnoŭnaja temy, zakranutyja padčas debataŭ:

• Złučanaje Karaleŭstva asudžaje vybuchi, što adbylisia ŭ Minsku 3 lipienia, vykazvaje spačuvańnie achviaram i spadziajecca, što vinavatyja buduć pryciahnutyja da sudovaje adkaznaści.

• Złučanaje Karaleŭstva ličyć Biełaruś častkaj siamji jeŭrapiejskich nacyjaŭ. Biełaruś moža bolš poŭna realizavać svoj jeŭrapiejski patencyjał, imknučysia da jeŭrapiejskich standartaŭ u halinie pravoŭ čałavieka i svabodnych vybaraŭ.

• Brytanski ŭrad zaklikaje Biełaruś vyzvalić ŭsich palityčnych viaźniaŭ i pravieści svabodnyja i spraviadlivyja parłamienckija vybary. My vitajem rašeńnie Biełarusi zaprasić misiju ABSIE da nazirańnia za vybarami. Nichto nie čakaje ad vybaraŭ peŭnych vynikaŭ. Najvažniej za ŭsio spraviadlivaść i prazrystaść ich praviadzieńnia.

• Jeŭrapiejski Sajuz hatovy prapanavać Biełarusi paŭnavartasnaje supracoŭnictva ŭ vyniku istotnaha i nieabaračalnaha prahresu pa hetych pytańniach. My pa-raniejšamu zakłapočanyja staŭleńniem da hramadzianskaje supolnaści i palityčnych partyjaŭ, ułučna ź niekatorymi chryścijanskimi kanfiesijami.

• Ekanamičnyja stasunki pamiž Złučanym Karaleŭstvam i Biełaruśsiu nie raźvityja ŭ dastatkovaj stupieni. Jany majuć vializny patencyjał. Brytanskija kampanii, asabliva Łondanski Sici, hatovyja inviestavać na Biełarusi. Mnohija ź ich u ciapierašni čas zakłapočanyja źviazanaj z hetym ryzykaj straty reputacyi, i spadziajucca na palapšeńnie sytuacyi z vybarami i pravami čałavieka.

Važnyja cytaty debataŭ pa Biełarusi:

Kim Choŭełs, namieśnik ministra zamiežnych spraŭ:

Urad Jaje Vialikaści žadaje kanstruktyŭna supracoŭničać ź Biełaruśsiu. Kali ja maju danieści tolki adno pasłańnie, ja chacieŭ by zaachvocić Biełaruś razhladać parłamienckija vybary ŭ vieraśni jak dobruju mahčymaść adbudavać takoje supracoŭnictva, demanstrujučy zdolnaść vyrašać važnyja pytańni pravoŭ čałavieka. Lepšyja stasunki ź Jeŭrasajuzam pryniasuć spraščeńni ŭ padarožžach hramadzianaŭ, ekanamičnyja mahčymaści i šaniec brać udzieł u abmierkavańni pytańniaŭ, jakija zakranajuć nas usich, takich jak navakolnaje asiarodździe.

Ja spadziajusia, što ŭvosień my budziem znoŭ razmaŭlać pra Biełaruś i vinšavać jaje z paśpiachovym praviadzieńniem vybaraŭ. Ja zaklikaju ŭłady dziejničać zhodna z ducham aficyjnych zajavaŭ, zroblenych imi nakont vybaraŭ, i prymać parady misii ABSIE. I tolki ŭ hetym vypadku Jeŭrapiejski Sajuz zdoleje supracoŭničać ź Biełaruśsiu jak z roŭnaj jeŭrapiejskaj krainaj.

Mark Prytčard, deputat ad Kansiervatyŭnaj partyi:

Razmaŭlać pra vybar Biełarusi pamiž zachadam i ŭschodam jość pamyłkovaj dychatomijaj. Biełaruś nikoli nie zdoleje admovicca ad blizkich stasunkaŭ z Rasijaj – słavianski i ruski ŭpłyŭ na jaje zastajecca istotnym — ale nichto da hetaha nie zaklikaje. Tym nie mienš, jeŭrapiejskija jakaści Biełarusi taksama nieasprečnyja i vidavočnyja, i varta hanarycca hetym elemientam sutnaści Biełarusi, jakaja jość vydatnaj i kulturnaj krainaj mužnych ludziej. Ja spadziajusia, što kraina budzie ruchacca da razumieńnia svajho sapraŭdnaha i poŭnaha jeŭrapiejskaha patencyjału, sa šmatlikimi pieravahami, jakija niasie paŭnavartaje supracoŭnictva, što taksama važna ŭ hety składany ekanamičny čas.

Mižnarodnaja reputacyja Biełarusi vielmi važnaja. Ja viedaju niekatoryja brytanskija kampanii, jakija chacieli b pracavać u Minsku i inšych biełaruskich haradach, ale jany zakłapočanyja tym, što heta moža nanieści ŭron ich reputacyi. Jany jość vializnaj stračanaj mahčymaściu dla ekanomiki Biełarusi, ale ja nie vieru, što hetyja mahčymaści stračanyja nazaŭždy. Heta pytańnie dla Ŭradu Biełarusi. Chacia Biełaruś imkniecca palepšyć ŭłasny imidž, najvažniej za ŭsio realnaść, ale nie ŭspryniaćcio prahresu.

Vielmi važny praces praviadzieńnia parłamienckich vybaraŭ 2008 hodu. Słova “praces” maje značańnie, bo dla mižnarodnaje supolnaści važny praces, a nie vynik. ES i sotni jeŭrapiejskich kampanijaŭ, ułučna z brytanskimi, jak ja adznačyŭ, nieciarpliva čakajuć demakratyčnaha sihnału ad Biełarusi.

Džo Suinsan, deputat ad Libieralna-Demakratyčnaj partyi:

Što tyčycca srodkaŭ masavaj infarmacyi, ja była nadzvyčaj zaniepakojenaja, kali pračytała, što ŭ 2005 hodzie dziaržaŭnyja drukarni-manapalistki prypynili kantrakty z apošnimi niezaležnymi hazietami, i što ŭ minułym miesiacy byli pryniatyja novyja zakony z patrabavańniem dziaržaŭnaj rehistracyi ŭsich vebsajtaŭ na Biełarusi. Žurnalisty mohuć być zmušanyja da žorstkich pakarańniaŭ, da dvuch hadoŭ turmy, za pieradruk materyjałaŭ zamiežnych krynicaŭ, dyskredytujučych Biełaruś.

• 0
• 0
• 0
• 0
• 0
• 0
• 0
• 0