Za arhanizacyju muzyčnaha festa u honar Jana Čačota ŭ Baranavičach premijaj Viktara Syrycy, jakuju Ruch «Za Svabodu» ŭručaje ŭ hetym hodzie ŭpieršyniu, uhanaravanaja Halina Jaraševič z Baranavičaŭ.
Premija była zasnavanaja Radaj Ruchu «Za Svabodu» ŭ śniežni 2016 hoda ŭ pamiać pra vybitnaha dziejača nacyjanalna-demakratyčnaha ruchu Biełarusi Viktara Syrycu. U šort-list premii patrapili siem kandydataŭ z usioj Biełarusi, akramia Jaraševič Vital Amialkovič sa Słucku, Aleś Hizun z Baranavičaŭ, Chrystafor Žalapaŭ ź Viciebsku, Vital Karabač ź Lidy, Uładzimir Kacora z Homiela, Halina Turandzina i Hanna Samojlenka z Mahilova.
Halina Jaraševič była naminavanaja na premiju za arhanizacyju ŭ 2016 hodzie admietnaha rehijanalnaha mierapryjemstva na temu biełaruskaj litaratury i historyi. Na feście ŭ honar Jana Čačota kala paŭsotni amataraŭ biełaruščyny adznačyli 220 hod z dnia naradžeńnia paeta.
Łaŭreata abrała Rada Ruchu «Za Svabodu». Premiju ŭručyŭ siońnia staršynia Ruchu «Za Svabodu» Juryj Hubarevič.
«Viktar Syryca pajšoŭ u inšy śviet, ale pamiać pra jaho zaŭsiody zastajecca z nami. Premija nadajecca aktyvistam abo supołkam, jakija praciahvajuć jahonuju spravu», — adznačyŭ pry ŭručeńni premii Hubarevič.
Jon pryhadaŭ, što na premiju pastupiła vielmi šmat zajavak — kala 20. «Heta pakazvaje, što va ŭsich kutočkach Biełarusi jość supołki albo ludzi jakija robiać hetuju važnuju spravu. Była surjoznaja kankurencyja pry vybary pieramožcy», — padkreśliŭ Hubarevič, dadaŭšy, što heta simvalična toje, što pieršaj premijaj Viktara Syrycy ŭhanaroŭvajecca aktyvistka z Baranavičaŭ.
«Uručeńnie mnie premii — heta vialiki honar. Spadzievaŭ nie było takich», — adznačyła łaŭreat premii imia Syrycy Halina Jaraševič.
Jana pryhadała pra siońniašni dzień narodzinaŭ Viktara Syrycy i prapanavała ŭšanavać jahonuju pamiać chvilinaj maŭčańnia.
«Heta premija budzie ŭ Baranavičach, my skarystajem jaje ŭ lepšym vyhladzie», — paabiacała Jaraševič.
***
Halina Jaraševič — samadziejny kampazitar, mastak, hramadskaja aktyvistka. Vydała niekalki muzyčnych dyskaŭ. U 2010 hodzie pry padtrymcy Ruchu «Za Svabodu» ŭ śviet vyjšaŭ jaje dysk «Ciabie śpiavaju», pryśviečany 100-hodździu z dnia narodzinaŭ paetki Łarysy Hienijuš, jana była ŭznaharodžanaja śpiecyjalnym pryzam na litaraturnym konkursie da 100-hodździa Hienijuš.
-
Na biełaruskich aŭtamahistralach pastaviać čyrvona-zialonuju łaziernuju sistemu apaviaščeńnia
-
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
-
Na «Biełsacie» zapuścili šou doŭhich hutarak z Hłafiraj Žuk
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary