Jak paviedamlaje redakcyja časopisa Arche, sioleta na vielikodny rasprodaž vystaŭlenaja rekordnaja kolkaść vydańniaŭ — 44 papiarovyja j 34 elektronnyja.
Bolšaść vydańniaŭ prapanujecca z adčuvalnymi źnižkami — da 70%. Niekatoryja ź ich, prykładam, knihi Briest. Leto 1941 h. Dokumienty. Matieriały. Fotohrafii, Zbor tvoraŭ u 3-ch tamach Mikałaja Ułaščyka. Tom 1 i ARCHE № 5 (150) — 2016. Ad Jatviazi da Litvy nikoli raniej nie pradavalisia z dyskontam.
Nakłady inšych vystaŭlenych na rasprodaž vydańniaŭ, takich jak «Ruski Vaviłon: Damadernyja identyčnaści ŭ Rasii, Ukrainie i Biełarusi» Ciarhija Płachija abo «Kraina pahraničča: vybranyja tvory» Alaksandra Kraŭceviča faktyčna vyčarpanyja. Hetaja akcyja — adna z apošnich mahčymaściaŭ zajmieć nazvanyja knihi. Siarod papiarovych vydańniaŭ vyklikajuć cikavaść ramany Siarhieja Piasieckaha («Baham nočy roŭnyja» i «Žyćcio razzbrojenaha čałavieka»), šmatlikija daśledavańni na temu Biełarusi pad niamieckaj akupacyjaj, pracy pa historyi Vialikaha Kniastva Litoŭskaha, u tym liku mahnackich rodaŭ Radziviłaŭ i Sapiehaŭ, publikacyi ab paŭstańni 1863-1864 hh. na biełaruskich ziemlach, študyi ab historyi biełaruskich rehijonaŭ — Połaččyny, Viciebščyny, Haradzienščyny j Paleśsia, kultavyja słoŭniki Niekraševiča-Bajkova, Kaśpiaroviča j Šaternika, źmiastoŭnyja matarjały pa historyi Zachodniaje Biełarusi, a taksama archivy tvorčaje j navukovaje spadčyny našych vybitnych navukoŭcaŭ — Antona Adamoviča (1464 staronki), Adama Babareki (sukupny abjom kala 3000 staronak) i Adama Stankieviča (kala 1200 staronak).
Siarod elektronnych vydańniaŭ nielha nie adznačyć nastupnyja pazycyi: papularnyja numary ARCHE («Žančyny ŭ biełaruskaj historyi», «Vajskovaja historyja Vialikaha Kniastva Litoŭskaha», «Biełaruś pad niamieckaj akupacyjaj» i inšyja).
Varty ŭvahi i numar «Biełaruskaja histaryjahrafija 1920-ch: Siaredniaviečča i rańniemaderny čas», što vyjšaŭ abjomam u 1108 staronak. U im źmieščanyja najlepšyja teksty na temu Siarednieviečča j rańniaha Novaha času najvybitniejšych pradstaŭnikoŭ biełaruskaj nacyjanalnaj histaryjahrafii 1920-ch hh. A taksama — vypusk, u jakim drukujucca «Miemuary pra Polšču i palakaŭ z 1788 da 1794 h.» Michała Kleafasa Ahinskaha, 24 słoŭniki biełaruskaje navukovaje terminalohii, vydanyja ŭ 1920-ch hadoch sukupnym abjomam kala 3000 staronak (Tom 1, Tom 2, Tom 3), knihi Miečysłovasa Jučasa «Hrunvaldskaja bitva», Jana Stankieviča «Jazyk i jazykavieda» Juryja Turonka «Madernaja historyja Biełarusi» i inšyja.
Akcyja dziejničaje da 8 traŭnia. Poŭny śpis vydańniaŭ z apisańniami i infarmacyja pra toje, jak ich atrymać, jość na sajcie Arche.
Ciapier čytajuć
Što viadoma pra eks-aficera Słužby biaśpieki Łukašenki Andreja Spasava, jakoha pasadzili za palityku1
Kamientary