Biełaruś zdoleje pieraadoleć uźnikajučyja składanaści, i hety hod stanie ŭ hetym staŭleńni pierałomnym. Ab hetym kiraŭnik dziaržavy Alaksandr Łukašenka zajaviŭ siońnia, naviedvajučy ŭ śviata Vialikadnia chram Preabražeńnia Haspodniaha ŭ horadzie Barań Aršanskaha rajona.
«My ŭsio možam i my z hetymi ciažkaściami, pra jakija tolki što kazali (składanaści pryniesienyja na našu ziamlu), spravimsia, pieraadolejem. U nas niama inšaha vyjścia. I hety hod budzie pierałomnym», - zajaviŭ jon.
Alaksandr Łukašenka padziakavaŭ usim śviataram i mitrapalitu Paŭłu za tuju pracu, jakuju jany ažyćciaŭlajuć u imia biełaruskaha naroda i jaho susiedziaŭ.
Znachodziačysia ŭ pravasłaŭnym chramie, kiraŭnik dziaržavy prapanavaŭ ad imia samoj šmatlikaj relihijnaj kanfiesii ŭ Biełarusi pasłać pryvitańnie i chryścijanam — katalikam, jakija taksama śviatkujuć Vialikdzień u hety dzień. «Heta sapraŭdy vialikaje i śvietłaje śviata, jak by ni sprabavali jaho zaciamnić u našaj historyi. I navat u niadaŭniaj. Nie atrymałasia. Bo ŭvieś narod, ad małoha da vialikaha, zaŭsiody z najvialikšym pavahaj i dušeŭnaściu čakaŭ hetych dzion», - adznačyŭ biełaruski lidar.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»39
Kamientary