Sioleta finalistaŭ muzyčnaha konkursu maładych vykanaŭcaŭ čakajuć navučalnaja siesija, zapis pieśni i vypusknyja kancerty, a pieramožca atrymaje da ŭsiaho hrašovy pryz i zdymki klipa.
Da 1 traŭnia prymajucca zajavy na ŭdzieł u čaćviortym siezonie konkursu «Zaśpiavaj 4x4». Muzykam va ŭzroście ad 18 da 30 hod prapanujecca zrabić dema-zapis pieśni na vierš sučasnaha biełaruskaha paeta. Z usich zajavaŭ u finał trapiać sioleta čaćviora vykanaŭcaŭ (hurtoŭ). Ich čakaje navučalnaja siesija, jakuju praviaduć admysłoŭcy ŭ muzyčnaj śfiery, a taksama praca ŭ studyi dy spravazdačnyja kancerty. «U hetym siezonie my vyrašyli pašyryć adukacyjny składnik, kab maładyja vykanaŭcy atrymali nie tolki hrašovy pryz, jak toje było raniej, ale i kankretnyja viedy. Płanujem zrabić zaniatki pa vakale, hukavym dyzajnie, prasoŭvańni svajoj tvorčaści dy jašče šmat cikavaha. Hetaja sprava moža stać padmurkam dla nacyjanalnaha muzyčnaha realici-šoŭ u dalejšym», — kaža kiraŭnik partału TuzinFM i pradusar konkursu Siarhiej Budkin.
U jakaści mientaraŭ u konkursie «Zaśpiavaj 4x4» udzielničajuć:
Siarhiej Doŭhušaŭ, muzyka, kampazitar, vykładčyk, pradziusar, fołk- i rok-śpiavak, lidar hurtu Vuraj, kiraŭnik prajektu «Śpieŭny schod», salist Biełaruskaj dziaržaŭnaj fiłarmonii;
Źmicier Litvinovič (Diamos Roll), saŭnddyzajner, dy-džej, pradziusar, lidar hurtu Cherryvata, kiraŭnik łejbłu elektronnaj muzyki «Ezhevika»;
Vital Ryžkoŭ, paet, muzyka, lidar prajektu Angst, udzielnik rep-farmacyi «Belaroots»;
Aleh Chamienka, muzyka, pradziusar, vykładčyk, lidar hurtu «Pałac».
Usie mientary razam z arhanizatarami konkursu Siarhiejem Budkinym i kiraŭnikom fondu «Viartańnie» Paŭłam Bierahovičam uvojduć u skład žury. Pieramožcu akramia teoryi i praktyki čakaje pryz u 1000 BYN (kala 500 jeŭra) na realizacyju svajoj dalejšaj tvorčaj zadumy, a taksama klip ad režysiora Arcioma Łobača. Padrabiaźniej pra ŭmovy «Zaśpiavaj 4ch4»
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina24
Kamientary