Supracoŭniki KDB vyjavili i spynili karupcyjnuju schiemu, arhanizavanuju słužbovymi asobami Transpartnaj inśpiekcyi Mintransa. U joj udzielničaŭ kirujučy skład centralnych i rehijanalnych padraździaleńniaŭ, a taksama pradstaŭniki biełaruskich transpartnych kampanij. Pra heta paviedamlaje pres-słužba viedamstva.
Z 2015 hoda načalnik Transpartnaj inśpiekcyi Lemieš i jaho namieśnik Kucajeŭ pry sadziejničańni padnačalenych supracoŭnikaŭ pastavili na «patok» sistemu «handlu» dazvołami na prajezd vielikahruznych transpartnych srodkaŭ pa terytoryi zamiežnych dziaržaŭ. Košt składaŭ ad 50 da 120 jeŭra za kožny dazvoł u zaležnaści ad jaho katehoryi.
Tolki sa śniežnia 2016 hoda da krasavika 2017 hoda zafiksavana 10 faktaŭ atrymańnia Kucajevym chabaraŭ ad bolš čym 20 subjektaŭ haspadarańnia. 13 krasavika 2017 h. pry atrymańni čarhovaha ŭznaharodžańnia pamieram 500 jeŭra i 110 dalaraŭ ZŠA ad pradstaŭnikoŭ ajčynnaj transpartnaj kampanii praz načalnika Hrodzienskaha filijała Hrudzinskaha Kucajeŭ byŭ zatrymany z dokazami złačynstva. Paśla zatrymanyja i astatnija ŭdzielniki karupcyjnaj schiemy.
U jakaści pastajannych pasiarednikaŭ, jakija pradastaŭlali Lemiešu i Kucajevu «klijentaŭ», ustanoŭleny načalnik Homielskaha filijała inśpiekcyi Čučvaha, načalnik Hrodzienskaha filijała Inśpiekcyi Hrudzinski i jaho namieśnik Zamara, blizki znajomy Kucajeva Kirakoŭ.
U dačynieńni da zhadanych asob raspačata 10 kryminalnych spraŭ pa art. 430 («atrymańnie chabaru»), 431 («dača chabaru»), 209 («machlarstva») KK Respubliki Biełaruś, da šerahu fihurantaŭ prymieniena miera strymańnia ŭ vyhladzie zaklučeńnia pad vartu z utrymańniem u SIZA KDB.
Akramia taho, vyjaŭlena naładžanaja ŭ Homielskaj vobłaści sistema vymahalnictva ŭ zamiežnych kiroŭcaŭ chabaraŭ «za bieśpieraškodny prajezd».
Inśpiektary atrymlivali hrošy ŭ chodzie transpartnaha kantrolu ŭ rajonie Sielišča Dobrušskaha rajona, paśla čaho pa abumoŭlenaj schiemie raźmiarkoŭvali ich pa ŭsioj viertykali abłasnoj Inśpiekcyi - ad rehijanalnych śpiecyjalistaŭ da načalnika Homielskaha filijała Čučvaha.
Akramia načalnika Homielskaha filijała Inśpiekcyi Čučvaha, pa ŭkazanych faktach zatrymanyja jašče čatyry śpiecyjalisty, u dačynieńni da jakich raspačata 2 kryminalnyja spravy pa art. 430 («atrymańnie chabaru») KK Respubliki Biełaruś.
Materyjały kryminalnych spraŭ pieradadzienyja dla dalejšaha rasśledavańnia ŭ Śledčy kamitet Respubliki Biełaruś.
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary