Na momant udaru amierykanskich «Tamahaŭkaŭ» pa avijabazie ŭ Siryi ŭ Mižziemnym mory znachodzilisia karabli, jakija nie zdolnyja adsočvać dziejańni dysłakavanych u rehijonie eśmincaŭ ZŠA, raspaviała krynica «Viedomostiej».
U Mižziemnym mory na momant udaru amierykanskimi kryłatymi rakietami «Tamahaŭk» pa aeradromie Šajrat 7 krasavika nie było rasijskich vajskovych karabloŭ, zdolnych vieści sačeńnie za eśmincami ŭ rehijonie i nanieści ŭdar rakietnym uzbrajeńniem. Pra heta pišuć «Viedomosti» sa spasyłkaj na krynicu, blizkuju da rasijskaha abaronnaha viedamstva.
Pa słovach surazmoŭcy vydańnia, u toj čas, kali z amierykanskich eśmincaŭ byli zapuščany na siryjskuju bazu rakiety, u vodach Mižziemnaha mora znachodzilisia dva siarednija desantnyja karabli, jakija zajmalisia dastaŭkaj vajennych hruzaŭ u Siryju, a taksama dva tralščyki Čarnamorskaha fłotu.
Adrazu paśla źjaŭleńnia infarmacyi pra ŭdar amierykanskaj avijacyi pa bazie ŭ Siryi «Interfaks» sa spasyłkaj na infarmavanaj krynicy paviedamlaŭ pra toje, što frehat «Admirał Hryharovič» vyjšaŭ u Mižziemnaje mora dla taho, kab viarnucca ŭ skład apieratyŭnaha złučeńnia VMF Rasii. Surazmoŭca padkreśliŭ, što frehat płanava vyjšaŭ u pachod 5 krasavika.
Dadzienyja ab viartańni «Admirała Hryharoviča» u Mižziemnaje mora da bierahoŭ Siryi taksama paćvierdziŭ resurs Bosphorus Observer, jaki adsočvaje prachod bajavych karabloŭ praz tureckija pralivy.
Paźniej u Saviecie Fiederacyi paćvierdzili płanavaść pierachodu rasijskaha frehata na dziažurstva ŭ Siryju. Pa słovach kiraŭnika kamiteta vierchniaj pałaty parłamienta pa abaronie i biaśpiecy Viktara Ozierava, viartańnie karabla nie źviazana z atakaj ZŠA na avijabazu Šajrat u Siryi.
Ciapier čytajuć
Andrej Švied, architektar represij, pryznačany staršynioj Viarchoŭnaha suda13
Kamientary