Prodaž ałkaholu budzie abmiežavany ŭ stalicy 30 maja i 10 červienia ŭ suviazi z praviadzieńniem vypusknych viečaroŭ va ŭstanovach ahulnaj siaredniaj adukacyi. Heta zamacavana rašeńniem Minharvykankama № 1306 ad 20 krasavika 2017 h., jakoje aficyjna apublikavanaje 17 maja na Nacyjanalnym pravavym internet-partale, paviedamlajuć Minsk-Naviny.
Z 8:00 30 maja da 8:00 31 maja i z 8:00 10 červienia da 8:00 11 červienia budzie abmiežavany prodaž ałkaholnych napojaŭ (harełki, likiora-harełačnych vyrabaŭ, vina, kańjaku, brendzi, kalvadosu, šampanskaha i inšych napojaŭ z abjomnaj dolaj etyłavaha śpirtu 7 i bolš pracentaŭ), za vyklučeńniem roźničnaha handlu na abjektach hramadskaha charčavańnia ŭ raźliŭ.
Taksama ŭ nazvany pieryjad nie budzie ažyćciaŭlacca roźničny handal u handlovych abjektach pivam i słabaałkaholnymi napojami z abjomnaj dolaj etyłavaha śpirtu nie bolš za 7 %.
Rašeńnie ŭstupaje ŭ siłu paśla jaho aficyjnaha apublikavańnia.
Kamientary