Miadźviedzieŭ maje hetulki ž ŭpłyvu na siońniašniuju sytuacyju, jak staršynia prezydyjumu Viarchoŭnaha Savietu Savieckaha Sajuzu ŭ 1950-ja hady ŭpłyvaŭ na SSSR. Nichto navat nie ŭzhadaje jahonaha imia.
Były amerykanski daradca pa nacyjanalnaj biaśpiecy Źbihnieŭ Bžazinski zaklikaŭ izalavać Rasieju ad suśvietnaj supolnaści ŭ znak pratestu suprać jejnaj kampanii na Kaŭkazie i paraŭnoŭvaje jejnuju taktyku z palitykaj Hitlera abo Stalina.
Bžazinski, jaki byŭ daradnikam pa nacyjanalnaj biaśpiecy pry prezidencie Džymi Kartery z 1977 pa 1981 hod, a ciapier staŭ daradnikam Baraka Abamy, kandydata ŭ prezidenty ZŠA ad Demakratyčnaj partyi, zajaviŭ, što premjer-ministr Rasiei Ŭładzimir Pucin «pravodzić kurs, jaki da žachu nahadvaje palityku Stalina abo Hitlera ŭ 1930-ja hady», piša brytanskaja «The Guardian».
Jon zajaviŭ, što apraŭdańnie Pucinym vajskovych dziejańniaŭ u Hruzii – u abaronu rasiejskich hramadzianaŭ, jakija žyvuć u Asiecii, – možna paraŭnać z vykarystoŭvańniem Hitleram mierkavanaha pryhniotu etničnych niemcaŭ u Sudzieckoj vobłaści ŭ jakaści padstavy dla aneksii Čechasłavakii ŭ 1938 hodzie.
U intervju kansiervatyŭnamu niamieckamu štodzionnamu vydańniu «Die Welt» jon źviarnuŭ uvahu na pralelii pamiž stratehijaj Pucina ŭ dačynieńni da Hruzii i ŭvarvańniem Stalina ŭ Finlandyju ŭ 1939 hodzie. Jon apisaŭ i toje, i inšaje jak parušeńnie suvierenitetu nievialikaj susiedniaj demakratyčnaj dziaržavy hvałtoŭnym šlacham.
Bžazinski zajaviŭ, što ciapier śviet staić pierad pytańniem, jak reahavać na dziejańni Rasiei i na jejnyja sproby, pa jahonym słovam, «viarnuć byłyja savieckija terytoryi pad kantrol Kramla». Jon dadaŭ, što ŭ asnovie hetaj prablemy lažyć dostup da nafty, i asabliva pytańnie, chto budzie kantralavać naftapravod Baku-Tbilisi-Džejchan, jaki prachodzić praz Hruziju.
«Kali Hruzija pazbavicca svajho suvierenitetu, heta aznačaje nia tolki toje, što Zachad apyniecca adrezanym ad Kaśpijskaha mora i Centralnaj Azii. My taksama možam vykazać zdahadku, što Pucin užyje tuju sama stratehiju da Ŭkrainy, kali sustrenie supraciŭ. Jon užo publična ahučyŭ pahrozy ŭ adras Ukrainy».
«Kali Rasieja budzie i nadalej iści hetym šlacham, jaje treba budzie izalavać ad mižnarodnaj supolnaści», – zajaviŭ jon.
Jon dadaŭ, što ŭvarvańnie Rasiei ŭ Hruziju stała dokazam taho, što za vosiem hod kiravańnia Džordža Buša Bieły dom nie zmoh razabracca, što ŭ rečaisnaści ŭjaŭlaje saboj «režym Pucina».
«Dva epizody ilustrujuć heta lepiej za ŭsio, – zajaviŭ jon. – Pieršy, kali Buš upieršyniu sustreŭsia z Pucinym i skazaŭ, što zazirnuŭ u jahonuju dušu i vyrašyŭ, što jamu možna daviarać. Druhi, kali Kondzi Rajs nie tak daŭno adznačyła, što amerykanska-rasiejskija stasunki nikoli nie byli hetak dobrymi, jak ciapier». Jon dadaŭ, što Bieły dom padmanuŭsia.
Na pytańnie, čamu jon kaža tolki ab Pucinie, a nie ab rasiejskim prezidencie Dźmiciery Miadźviedzievie, Bžeziński adkazaŭ: «Jon (Miadźviedzieŭ) maje hetulki ž ŭpłyvu na siońniašniuju sytuacyju, jak staršynia prezydyjumu Viarchoŭnaha Savietu Savieckaha Sajuzu ŭ 1950-ja hady ŭpłyvaŭ na SSSR. Nichto navat nie ŭzhadaje jahonaha imia".
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary