«Mianie nie katavali, stavilisia navat z pavahaj», — vyzvaleny ŭ «spravie patryjotaŭ» Andrej Bialaŭski
Sa śledčaha izalataru KDB vyzvaleny jašče adzin fihurant spravy «Biełaha lehijonu», mienski mastak-dyzajner Andrej Bialaŭski. Jon byŭ zatrymany 28 sakavika i abvinavačany pavodle častki 3 artykułu 293 Kryminalnaha kodeksu — «Navučańnie i padrychtoŭka da ŭdziełu ŭ masavych biesparadkach».
Pieršaje interviju paśla vyzvaleńnia Andrej Bialaŭski daŭ Radyjo Svaboda. Z ulikam, što abvinavačańni ź jaho nia źniatyja, balšynia adkazaŭ byli lakaničnymi:
— Andrej, vinšujem z vyzvaleńniem, kolki ŭsiaho praviali za kratami?
— Dziakuj, jość nahoda… Usiaho atrymałasia 74 dni. Za hety čas pabyvaŭ i ŭ turmie KDB, i ŭ izalatary na Vaładarskaha.
— Naohuł vyzvaleńnie było niečakanym ci vas papiaredzili zahadzia?
— Papiaredzili zahadzia, tak što maralna byŭ padrychtavany. Dapamahli navat dabracca dadomu.
— Niekatoryja ź fihurantaŭ spravy śćviardžajuć, što ich katavali, kab vybić nieabchodnyja źviestki. Jak było ŭ vašym vypadku?
— Nie, mianie nie katavali, abychodzilisia całkam narmalna. Umovy zvyčajnyja, jak i ŭ dačynieńni astatnich źniavolenych. Prynamsi niejkaj pieraduziataści nie było, mała za toje, stavilisia navat z pavahaj.
— Abvinavačańni, nakolki možna zrazumieć, jašče nie źniatyja?
— Nie, abvinavačańni nie źniatyja. Plus padpiska ab niavyjeździe, ab nievydavańni tajamnicy śledztva, tamu ničoha padrabiaźniej havaryć nie mahu.
— Ci ličycie, što akazalisia biespadstaŭna vyrvanyja sa zvykłaha žyćcia?
— Nu viadoma, čas zmarnavany, heta biassprečna…
— Jakija majecie najbližejšyja plany?
— Pakul treba «aklimatyzavacca», pryjści ŭ normu, nu a paśla — viartacca da zvykłaha hrafiku, bo spraŭ naźbirałasia šmat…
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza13
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary