Partyja BNF šukaje ŭ hramadstva padtrymki dla ŭtrymańnia ofisa, paviedamlaje Radyjo Racyja.
Z-za finansavych ciažkaściej u šeraha demakratyčnych partyj i arhanizacyj źjavilisia prablemy z utrymańniem ofisaŭ. Tak, Ruch «Za svabodu» nie zdoleŭ praciahnuć arendu svajho ofisa i pakul pracuje biez pamiaškańnia. U minskaj siadzibie Partyi BNF z-za kamunalnych zapazyčanaściaŭ adklučanaje śviatło. Kiraŭnictva partyi vyrašyła časova zakryć ofis da vypłaty pazykaŭ, papiarednie — z 6 pa 10 červienia.
Pa słovach kiraŭnika Partyi BNF Alaksieja Janukieviča, da składanaj situacyi pryvioŭ šerah pryčyn: «Tak stałasia, što doŭhaja była zima, aciaplalny siezon byŭ vielmi doŭhi, i kamunalny košt uzros. Skłałasia tak, što vydatki na apłatu kamunalnych byli bolšyja, čym zvyčajna. U źviazku z hetym u nas utvaryłasia zapazyčanaść. Dasiahnuła zapazyčanaść takoha ŭzroŭniu, što adklučyli nam śviatło, pakul jana nie budzie pahašanaja. Ja dumaju, ciaham tydnia, moža 10 dzion, my hetaje pytańnie vyrašym, i budzie paŭnavartasna funkcyjanavać ofis nadalej».
Pa słovach Janukieviča, kab padklučyć pamiaškańnie da śviatła, nieabchodna kala 3 tysiač biełaruskich rubloŭ — heta prykładna $1600. Ciapier, pa jaho słovach, iduć pieramovy z mahčymymi achviaradaŭcami. Adkryty dabračynny rachunak u bankaŭskaj raźlikovaj sistemie ARIP, praź jaki siabry i prychilniki partyi mohuć pieraličyć patrebnyja hrošy. Jak miarkuje Janukievič, situacyja z zapazyčanaściu chacia i vielmi niepryjemnaja, adnak nie pahražaje partyi strataj ofisa.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary