Jahonaje pachavańnie adbyłosia 17 žniŭnia ŭ Kojdanavie (Dziaržynsku).
Eks-kandydat u prezidenty Alaksandr Kazulin uziaŭ udzieł u pachavańni svajho cieścia Ivana Sabaleŭskaha. Jano adbyłosia 17 žniŭnia ŭ Dziaržynsku (Minskaja vobłaść).
Jak raskazała BiełaPAN dačka A. Kazulina Julija, Ivan Sabaleŭski pamior va ŭzroście 77 hadoŭ. "Jon nie chvareŭ. My zaŭsiody nazyvali jaho "žyŭčykam", i jaho śmierć stała dla nas poŭnaj niečakanaściu", — skazała Ju. Kazulina.
Pavodle jaje słoŭ, rodnyja Ivana Sabaleŭskaha vyrašyli nie anatamavać niabožčyka, tamu dakładnaja pryčyna śmierci nie viadoma. Dačka I. Sabaleŭskaha, žonka Alaksandra Kazulina — Iryna — pamierła na 49-m hodzie žyćcia 23 lutaha 2008 hoda.
Nahadajem, 16 žniŭnia A. Kazulina vyzvalili z kałonii "Vićba-3". Pavodle słoŭ dački palityka Volhi, padstavaj dla vyzvaleńnia stała śmierć cieścia. Paśla vyzvaleńnia stała viadoma, što jašče 15 žniŭnia prezident Alaksandr Łukašenka padpisaŭ ukaz ab pamiłavańni Alaksandra Kazulina.
Čakajecca, što 20 žniŭnia z udziełam A. Kazulina adbudziecca pres-kanfierencyja dla žurnalistaŭ.
Kamientary