Vybuch na terytoryi dziciačaha sadka ŭ kitajskaj pravincyi Cziansu, achviarami jakoha stali vosiem čałaviek, učyniŭ 22-hadovy miascovy žychar, paviedamlaje palicyja.
Sam arhanizatar, jakoha palicyja nazyvaje Siuj, zahinuŭ na miescy. U jaho kvatery byli znojdzienyja materyjały, jakija vykarystoŭvajucca dla vyrabu vybuchovaj pryłady, a ścieny byli śpisanyja słovami «śmierć», piša VVS.
Pavodle danych palicyi, u Siuj byli surjoznyja prablemy sa zdaroŭjem, z-za jakich jon u svoj čas byŭ vymušany pakinuć vučobu ŭ škole. Adnak na momant ździajśnieńnia napadu jon byŭ pracaŭładkavany.
Vybuch prahrymieŭ u čaćvier kala bramy dziciačaha sadka ŭ rajonie Fensianam (va ŭschodniaj pravincyi Cziansu) jakraz u toj momant, kali baćki zabirali dziaciej dadomu.
Pavodle apošnich danych, u vyniku vybuchu zahinuli vosiem čałaviek, jašče 65 atrymali ranieńni, stan vaśmi ź ich aceńvajecca jak vielmi ciažki. Pieršapačatkova kitajskija ŚMI paviedamlali, što heta moh być vybuch hazu, adnak hetaja viersija nie znajšła paćvierdžańnia.
Miascovyja ŭłady śćviardžajuć, što siarod paciarpiełych niama ni dziaciej, ni vychavalnikaŭ. Adnak adrazu paśla vybuchu ŭ sacyjalnych sietkach pačali źjaŭlacca fotazdymki, jakija, jak śćviardžajuć karystalniki, byli zroblenyja na miescy zdareńnia. Na niekatorych apublikavanych u sacsietkach videa i fotazdymkach vidać, što na travie lažać paranienyja, u tym liku dzieci i žančyny.
Kamientary