Pa mienšaj miery siem čałaviek zahinuli i jašče kala 60 paciarpieli ŭ vyniku vybuchu ŭ dziciačym sadku na ŭschodzie Kitaja. Pavodle danych miascovaj palicyi, siarod paciarpiełych jość žančyny i dzieci, paviedamlaje VVS.
Pavodle danych ahienctva Sińchua, dva čałavieki pamierli na miescy, jašče piaciora pamierli z-za ciažkich ranieńniaŭ. Jašče dzieviać paciarpiełych znachodziacca ŭ vielmi ciažkim stanie.
Vybuch prahrymieŭ u dziciačym sadzie ŭ rajonie Fensianam, va ŭschodniaj pravincyi Cziansu. Na fotazdymkach, jakija publikujuć karystalniki sacsietak, vidać, što siarod paranienych jość dzieci.
Pavodle danych miascovych ŚMI, vybuch prahrymieŭ kala piaci hadzin viečara pa miascovym časie, jakraz kali baćki zabirali dziaciej ź dziciačaha sadu.
Palicyja vyśviatlaje abstaviny zdareńnia. Ab charaktary vybuchu aficyjna ničoha nie paviedamlajecca. Pavodle danych kitajskaha internet-vydańnia Sohu, u stałovaj dziciačaha sadu moh vybuchnuć haz.
Za apošnija tydni heta ŭžo druhoje bujnoje zdareńnie ŭ Kitai, u jakim paciarpieli dzieci. U mai 11 dziaciej zahinuli ŭ vyniku DTZ z aŭtobusam.
Aŭtobus, jaki pieravoziŭ 11 daškolnikaŭ, urezaŭsia ŭ tuneli ŭ aŭtamabil. Paśla sutyknieńnia aŭtobus zahareŭsia. U vyniku ŭsie dzieci, jakija byli ŭ aŭtobusie, zahinuli, vyžyć udałosia tolki nastaŭniku.
Tur anansuje, što Łukašenku napišuć na vybarach bolš za 90%5
Kamientary