Płankton, bahavińnie i jadomyja kazurki byli ŭ mieniu, kali 30 maja premjer-ministry Finlandyi, Šviecyi, Danii, Isłandyi i Narviehii sustrelisia ŭ Eŭstevole, što na paŭdniovy zachad ad horada Bierhien u Narviehii. Jany vystupili ź inicyjatyvaj pad nazvaj Nordic Solutions (Paŭnočnyja Rašeńni), jakaja nakiravanaja na dasiahnieńnie metaŭ ustojlivaha raźvićcia AAN na praciahu 2030 hoda, piša EUObserver.
Ministry abiedali ŭ namiocie kala daśledčaj stancyi Eŭstevoł, adnym z najbujniejšych i najbolš raźvitych jeŭrapiejskich daśledčych centraŭ pa vyvučeńni ryb i akvakultury. U jakaści straŭ im padavali maluskaŭ, hadavanaha pałtusa i smažanych mučnikoŭ — usio pryhoža sierviravanaje z kvietkami i jadomymi chvajovymi ihołkami.
A paśla ministram pakazali basiejn, u jakim žyvie ahromny 20-hadovy pałtus Safija. U naturalnym asiarodździ samki pałtusa redka dasiahajuć svajho maksimalnaha pamieru i vahi da 300 kiłahram.
Pakul uvieś śviet dumaje ab tym, jak zachavać papulacyju raznastajnych ryb, narviežcy pracujuć nad pryncypova novym mietadam jaje hadavańnia. Pieršyja vyniki narviežskaha daśledavańnia pakazvajuć, što hadavany pałtus patencyjna moža stać asnovaj dla novaha biznesu ŭ Narviehii, jaki znachodzicca ŭ pošuku šlachoŭ dla raźvićcia z-za panižeńnia značeńnia naftavaj pramysłovaści. Isnuje dumka, što Skandynavija ŭvohule moža stać na čale charčovaj revalucyi i zrabicca svojeasablivaj «Kramianiovaj dalinaj» u vobłaści «ježy budučyni».
«My možam rabić tak, kab ryba razmnožvałasia tolki asobinami žanočaha połu. A samki pałtusa vyrastajuć značna bolšymi za samcoŭ», — patłumačyŭ adzin z daślednikaŭ u Eŭstevole. Ryba taksama moža być hienietyčna skanstrujavanaja takim čynam, što jana budzie nie ŭ stanie razmnožvacca, što praduchilaje zboi ŭ ekasistemie ŭ vypadkach, kali madyfikavanaja rybina vypadkova trapić u akijan. Takim čynam, možna budzie lohka i tanna zadavolić patreby śvietu ŭ naturalnaj rybie biez škody dla žyvoj pryrody.
Taksama ŭvahu ministraŭ źviarnuli na toje, što ŭ siońniašnim śviecie sielskaja haspadarka źjaŭlajecca adnoj z najbujniejšych krynic zabrudžvańnia pryrody i źmienaŭ klimatu. Adpaviedna, viaducca pošuki novych praduktaŭ charčavańnia, pramysłovaja vytvorčaść jakich nie nanosiła b takoj škody pryrodzie. Takimi źjaŭlajucca jadomyja mučniki, što ŭtrymlivajuć šmat prateinu i ŭžo vykarystoŭvajucca dla charčavańnia.
Ciapier ludzi jaduć zašmat miasa, cukru, soli, ale zamała ryby i harodniny. Treba źmianiać hetuju tendencyju, ličać navukoŭcy. Ukaranieńnie spažyvańnia štučna hadavanaj ryby, maluskaŭ i kazurak dazvoliła b, na ich dumku, jak palepšyć ekałohiju, tak i paspryjać bolš zdarovamu charčavańniu nasielnictva płaniety.
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary