U lipieni zakryvajecca aeraport u Vilni: što treba viedać turystam ź Biełarusi
Vilenski aeraport, jakim aktyŭna karystajucca i biełarusy, z-za ramontu ŭźlotna-pasadačnaj pałasy zakryjuć 14 lipienia da 17 žniŭnia. U hety čas častka samalotaŭ budzie lotać z Kaŭnasa, ale častka kampanij admianiaje rejsy. A častka samalotaŭ admianiajecca ŭžo z nastupnaha tydnia.
Vykanaŭčy dyrektar Vilenskaha aeraporta Danatas Vavierys skazaŭ, što pracy ŭ lipieni i žniŭni, heta najbolš prymalnaje rašeńnie, čym rekanstrukcyja ŭzimku, adznačaje Delfi.lt
«My aceńvali faktyčnyja ŭmovy nadvorja ŭ apošnija 5 hadoŭ, h.zn., kali ŭ Litvie było mienš za ŭsio apadkaŭ i samaja vysokaja tempieratura, bo ŭ chodzie rekanstrukcyi pałos zdymajecca pakryćcio, umacoŭvajecca asnovu i ŭkładvajuć novaje pakryćcio. Pa sutnaści, heta jak asfalt, tolki płast taŭściejšy, a takija pracy lepš za ŭsio vykonvać pry vysokaj tempieratury i ŭ suchoje nadvorje», - skazaŭ Vavierys.
Rejsy ŭ Kaŭnas nie pahadzilisia pieranieści Ryanair i «Biełavija».
Tak, samaloty Ryanair nie buduć lotać ź Vilni pačynajučy z 1 lipienia i pa 1 vieraśnia, tamu admianiajucca takija kirunki, jak Birminhiem, Bremien, Chańja, Lids-Bradfard, Livierpul, Madryd, Malta.
«Biełavija» vyrašyła nie pieranosić rejs ź Vilni ŭ Kaŭnas, adnak samaloty hetaj avijakampanii buduć čaściej lotać u Pałanhu (aŭtorak, čaćvier i niadziela).
Wizz Air pieraniesła amal usie rejsy, za vyklučeńniem Paryža i Kijeva.
Padčas rekanstrukcyi avijapasažyraŭ ź Vilenskaha aŭtavakzała 9 raz u dzień buduć vazić u Kaŭnaski aeraport aŭtobusy kampanii Toks, kožnych 30 chvilin buduć kursiravać chutkija aŭtobusy kampanii Ollex (Express), raskład jakich ŭzhodnieny z avijarejsami. Adnak takaja pajezdka budzie kaštavać dadatkovych 10 jeŭra i zojmie 1,5 hadziny.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary