Archieołahi znajšli na paŭdniovym uschodzie Francyi «minijaciurnyja Pampiei»
Staražytnarymski kvartał, jaki atrymaŭ nazvu «Pampiei ŭ minijaciury», znojdzieny archieołahami na paŭdniovym uschodzie Francyi, paviedamlaje radyjostancyja France Info.
Pa dadzienych radyjostancyi, staražytny kvartał uzrostam kala dźviuch tysiač hadoŭ z rynkavaj płoščaj, mazaikami i damami arystakrataŭ byŭ vyjaŭleny na adnoj z budplacovak niedaloka ad kamuny V́jen.
Ahulnaja płošča, na jakoj pravodziacca raskopki, pieravyšaje 5 tysiač kvadratnych mietraŭ. Na miescy pracujuć bolš za 20 čałaviek.
Pa słovach kiraŭnika raskopak Bienžamina Klema, havorka idzie pra «unikalnuju znachodku», pakolki staražytny kvartał vydatna zachavaŭsia. Archieołah ličyć, što pryčynaj tamu — šerah pažaraŭ, jakija vymusili žycharoŭ, ratujučysia ad połymia, pakinuć usie svaje rečy na miescach.
«Handlovaja płošča całkam vyharała. Tamu my znachodzim u kramach usie rečy, jakija byli ŭ ramieśnikaŭ i jakija jany pakinuli na miescy, kali ratavalisia ad połymia», — raspavioŭ Klem.
«Jašče jość žyllo, arystakratyčnyja damy, jakija vielmi dobra zachavalisia, dzie vyjavili bolš za 19 mazaik, što dazvalajuć nam lepš zrazumieć ład žyćcia V́jen dźvie tysiačy hod tamu», — dadaŭ archieołah. «Na samoj spravie my znachodzimsia ŭ minijaciurnych Pampiejach V́jeny», — skazaŭ na zakančeńnie Klem.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii11
Kamientary