U Biełaruś źbirajecca pryjechać ahitprabieh u honar Pucina i «Navarosii» FOTA
Aktyvisty jeduć z Mahadana na Danbass. Pa darozie chočuć zazirnuć i ŭ Biełaruś.
Aŭtaprabieh tak zvanaha «Nacionalno-osvoboditielnoho dvižienija» prachodzić z 12 červienia. Maršrut pralahaje pa ŭsioj Rasii.
Prapahandysckaj nakiravanaści aŭtaprabiehu arhanizatary nie chavajuć, adkryta nazyvajučy akcyju «ahitprabieham».
Jaho meta — aśvietnickaja raboty siarod nasielnictva krainy ab vynikach dziejnaści Uładzimira Pucina i «kursa na adnaŭleńnie duchoŭnaha suviereniteta». Inšy składnik — zbor i dastaŭka dapamohi žycharam Danbasa.
«Maršrut prakładzieny bolš čym praz 50 haradoŭ Rasii, a taksama razhladajecca mahčymaść prachodžańnia niekatorych haradoŭ Kazachstana i Biełarusi», — paviedamlajuć arhanizatary.
Pa słovach arhanizataraŭ, pakul dakładna nieviadoma, ci pryjeduć jany ŭ Biełaruś: heta «zaležyć ad taho, ci puściać u krainu». Taksama, arhanizatary płanujuć «urehulavać pytańni ź Minskaj jeparchijaj». Što heta za pytańni — nieviadoma.
U Minskaj jeparchii paviedamili, što pakul nie majuć infarmacyi pra niejki zapyt ad «NOD», ale supracoŭnictva z aŭtaprabieham małavierahodnaje.
***
Tak zvany «NOD» — palityzavanaja arhanizacyja z Rasii, ale pradstaŭniki jaje jość i ŭ Biełarusi. Nodaŭcy nastalhujuć pa SSSR, ličać hałoŭnym voraham Zachad i Amieryku, vielmi lubiać pravasłaŭje i dziejučuju ŭładu. Ich pohlady dachodziać da absurdu: na dumku NOD, na Zachadzie dziaciej vučać być hiejami, Viktaru Coju pisali teksty piesien ŭ CRU i hetak dalej.
Łukašenka: U Biełarusi nie daj Boh žančynu abiaruć14
Kamientary