Kiraŭnik SK prakamientavaŭ spravu ab hibieli dziciaci pry chatnich rodach u Viciebsku
Staršynia Śledčaha kamiteta Biełarusi Ivan Naskievič siońnia, adkazvajučy na pytańni žurnalistaŭ, prakamientavaŭ spravu ab hibieli dziciaci pry chatnich rodach u Viciebsku.
Ivan Naskievič adznačyŭ, što ŭ śledčych «nie było sumnievaŭ u najaŭnaści prykmiet składu złačynstva ŭ dziejańniach maci».
«I ažyjataž u ŚMI absalutna nie adekvatny abjektyŭnaj karcinie zdareńnia. Maci nieadnarazova papiaredžvali ab tym, što jana moža patrapić u situacyju, kali ŭźniknuć ciažkaści z rodami. Jana admoviłasia stanavicca na ŭlik i špitalizavacca. I pry tym, što rody praciakali dosyć składana, navat paśla naradžeńnia dziciaci joju byli pryniatyja nie tyja miery, jakija b ažyćciaviŭ luby kvalifikavany miedyk, akušerka abo doktar dla vyratavańnia. Mienavita tamu jaje dziejańni byli kvalifikavanyja jak pryčynieńnie śmierci pa nieaściarožnaści. Ja nie budu zabiahać napierad, jaki budzie vierdykt suda, na dniach budzie rašeńnie. Spadziajusia, što sud prymie bok śledčych», — skazaŭ staršynia SK.
— Vy kažacie, što maci paśla rodaŭ nie pryniała miery. Jakija mienavita?
— Treba było stanavicca na ŭlik i špitalizavacca. Na žal, jana nie prysłuchałasia da rekamiendacyj miedykaŭ. Što tyčycca miadzielskaj historyi, to, jak tolki budzie rašeńnie pa joj, my patłumačym, čamu ŭ adnoj situacyi padychod adzin, a ŭ druhoj — inšy. I paviercie, u dźviuch situacyjach naša rašeńnie budzie absalutna zakonnym.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary