Кіраўнік СК пракаментаваў справу аб гібелі дзіцяці пры хатніх родах у Віцебску
Старшыня Следчага камітэта Беларусі Іван Наскевіч сёння, адказваючы на пытанні журналістаў, пракаментаваў справу аб гібелі дзіцяці пры хатніх родах у Віцебску.
Іван Наскевіч адзначыў, што ў следчых «не было сумневаў у наяўнасці прыкмет складу злачынства ў дзеяннях маці».
«І ажыятаж у СМІ абсалютна не адэкватны аб'ектыўнай карціне здарэння. Маці неаднаразова папярэджвалі аб тым, што яна можа патрапіць у сітуацыю, калі ўзнікнуць цяжкасці з родамі. Яна адмовілася станавіцца на ўлік і шпіталізавацца. І пры тым, што роды працякалі досыць складана, нават пасля нараджэння дзіцяці ёю былі прынятыя не тыя меры, якія б ажыццявіў любы кваліфікаваны медык, акушэрка або доктар для выратавання. Менавіта таму яе дзеянні былі кваліфікаваныя як прычыненне смерці па неасцярожнасці. Я не буду забягаць наперад, які будзе вердыкт суда, на днях будзе рашэнне. Спадзяюся, што суд прыме бок следчых», — сказаў старшыня СК.
— Вы кажаце, што маці пасля родаў не прыняла меры. Якія менавіта?
— Трэба было станавіцца на ўлік і шпіталізавацца. На жаль, яна не прыслухалася да рэкамендацый медыкаў. Што тычыцца мядзельскай гісторыі, то, як толькі будзе рашэнне па ёй, мы патлумачым, чаму ў адной сітуацыі падыход адзін, а ў другой — іншы. І паверце, у дзвюх сітуацыях наша рашэнне будзе абсалютна законным.
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай32
Каментары