Hiermanski ŭrad rašuča abviarhaje namier Polščy pravieści pieramovy pa pytańni vypłaty vajennych reparacyj, paviedamlaje Radyjo Polšča.
Pres-sakratar urada Štefien Zajbiert zajaviŭ 8 vieraśnia, što niama nijakich padstaŭ dla taho, kab stavić pad sumnieŭ admovu Polščy ad reparacyj ŭ 1953 hodzie. «Z našaha punktu hledžańnia, prablema była vyrašanaja i z palityčnaha, i ź jurydyčnaha boku», — zajaviŭ Zajbiert.
Premjer-ministr Polščy Bieata Šydła dniom raniej zajaviła, što Polšča maje prava vystupić z patrabavańniem ab reparacyjach. Pa jaje słovach, aficyjnaja pazicyja ŭrada pa hetym pytańni budzie apublikavanaja tady, kali budzie pryniatie palityčnaje rašeńnie ab patrabavańni reparacyj. Pa słovach ministra zamiežnych spraŭ Polščy Vitalda Vaščykoŭskaha, košt reparacyj moža skłaści 840 miljonaŭ jeŭra.
Nahadajem, što 23 žniŭnia 1953 hoda PNR admoviłasia ad jakich-niebudź patrabavańniaŭ u dačynieńni da Hiermanii. Pry hetym šerah historykaŭ i jurystaŭ padkreślivaje, što hety krok byŭ pradyktavany kamunistyčnymi ŭładami i jaho pravamiernaść moža być padvierhnutaja sumnievu.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary