Čamu abvaliłasia častka hladackich trybun u cyrku-šapito ŭ Zasłaŭi

U dačynieńni da dyrektara cyrka šapito Sirius Śledčy kamitet raspačaŭ kryminalnuju spravu. Nahadajem, hetamu papiaredničała zdareńnie, jakoje adbyłosia ŭ Zasłaŭi, dzie ŭ čaćvier a pałovie vośmaj viečara abvaliłasia častka hladackich trybun u cyrku šapito Sirius. Paciarpieli šeść čałaviek: dvoje dziaciej i čaćviora darosłych, siarod jakich była ciažarnaja žančyna. Va ŭsich zafiksavany traŭmy roznaj stupieni ciažkaści — udary i pierałomy. 

Pavialičyć

Anastasija Švajbovič, aficyjny pradstaŭnik Minskaha abłasnoha ŭpraŭleńnia MNS, adnaŭlaje karcinu zdareńnia:

— Paviedamleńnie pra incydent pastupiła nam u 19.33. Vyratavalniki byli na miescy ŭžo praz try chviliny, ale naša dapamoha nie spatrebiłasia. Supracoŭniki MNS tolki dastavili paciarpiełych da mašyn chutkaj dapamohi — niekatorym spatrebilisia nasiłki.

Paśla ahladu miedykaŭ 8-hadovuju dziaŭčynku i 12-hadovaha chłopčyka adpuścili dadomu. Dvoje darosłych taksama admovilisia ad špitalizacyi. U balnicy zastajucca budučaja mama i 62-hadovaja žančyna — piensijanierku płanujuć vypisać na nastupnym tydni. Ale karespandent «R», jakaja vyjechała na miesca zdareńnia, daviedałasia, što paciarpiełych značna bolš — nie ŭsie adrazu źviarnulisia pa dapamohu. Ludmiła Batalevič ź ich liku: praz sutki paśla incydentu jana źbirajecca da ŭrača i z žacham uspaminaje svoj pachod u cyrk:

— Na pradstaŭleńnie pajšli amal usioj siamjoj. Mnie ź piacihadovym unukam Uładzikam dastalisia niedarahija bilety — 7-y rad, pa 19 rubloŭ z kožnaha. A syn ź dzicionkam paśpieli kupić VIP-miescy. Zajšli ŭ cyrk i adrazu ździvilisia. Za 25 rubloŭ sadžali na zvyčajnyja płastmasavyja kresły kala sceny. Mnie z unukam treba było padniacca vyšej, ale heta było składana z-za vielmi vuzkaha prachoda pamiž trybunami. Nam prapanavali sieści na niepryhožyja nieadšlifavanyja doški. Tyja vyhladali byccam tolki ź piłaramy. I naohuł, usia kanstrukcyja trybuny padałasia nam vielmi dziŭnaj i niajakasnaj.

Trybuny pavalilisia, kali hledačy rassadžvalisia. Vidavočca ŭzhadvaje — u toj momant zdavałasia, što ziamla prosta sychodzić z-pad noh:

— Pamiataju, kryknuła: «My što, jedziem?!» Častka trybuny ŭ adzin momant pavaliłasia jak kartačny domik. Z usich bakoŭ hałasili dzieci. Pierad vačyma jašče staić, jak horka płakała dziaŭčynka hadoŭ piaci. Vielmi spałochałasia za babulu, u jaje niešta z pazvanočnikam zdaryłasia.

Ludmiła Batalevič tady nie dumała pra siabie: hałoŭnaje, kab rodnyja byli žyvyja. Na ščaście, z synam usio dobra, a voś dzietki da hetaha času nie mohuć pryjści ŭ siabie — uvieś čas płačuć. Sama žančyna, kali emocyi krychu ścichli, adčuvaje mocny bol u śpinie i nazie.

Pavialičyć

U toj dzień było zapłanavana ŭžo druhoje vystupleńnie pryjezdžaha cyrka ŭ Zasłaŭi, na jaho vielmi chacieła patrapić i Viktoryja Azarava. Maładaja mama z dvuchhadovaj dačkoj krychu spaźnialisia. Kali ŭsio adbyłosia, jany stajali la kasy. Dumali kuplać bilety:

— Ba-bach! Pačuła heta i vielmi spałochałasia. Uvachod u cyrk byŭ nievialiki. Razhladzieć, što adbyvajecca ŭnutry, z vulicy było składana. Ale ŭžo praz momant vybiehli supracoŭniki cyrka, padniali tent, kab pašyryć prajom.

Viktoryja bajałasia apynucca ŭ centry ciskaniny. Dobra, što hetaha nie adbyłosia — ludziej unutry pamiaškańnia było jašče niašmat.

Praz sutki paśla incydentu kala šatra ŭ centry Zasłaŭja niešmatludna i cicha. Miascovyja žychary abychodziać pryjezdžy cyrk bokam, a na miescy pracuje śledča-apieratyŭnaja hrupa ŭ składzie supracoŭnikaŭ Śledčaha kamiteta i Dziaržaŭnaha kamiteta sudovych ekśpiertyz. 

Zdareńnie kamientuje Taćciana Biełanoh, aficyjny pradstaŭnik USK pa Minskaj vobłaści:

— Śledčy kamitet raspačaŭ kryminalnuju spravu ŭ dačynieńni da dyrektara cyrka šapito Sirius, jaki nie zabiaśpiečyŭ naležnaje akazańnie pasłuh u vyhladzie kancertnaj dziejnaści. Viaducca dopyty śviedak, vidavočcaŭ, paciarpiełych, a taksama rabotnikaŭ cyrka i słužbovych asob. Śledstva zapatrabavała ŭsiu nieabchodnuju dakumientacyju pa vyrabie i ekspłuatacyi cyrkavoha abstalavańnia, trybun dla hledačoŭ, a taksama dakumientacyju, jakaja rehłamientuje techniku biaśpieki pry takim rodzie dziejnaści.

• 0
• 0
• 0
• 0
• 0
• 0
• 0
• 0