Jak paviedamiŭ hałoŭny trenier zbornaj Biełarusi Ihar Kryvušenka, forvard Dzianis Łapcieŭ vyviedzieny sa składu nacyjanalnaj kamandy.
«Łapcieŭ vyviedzieny sa składu nacyjanalnaj zbornaj za parušeńnie režymu pierad matčam sa šviedami. Što ž tyčycca šerahu inšych futbalistaŭ, proźviščy jakich byli zhadanyja ŭ presie, da ich jość pretenzii vyklučna maralnaha płana, adnak dyscyplinarnych sankcyj u dačynieńni da ich nie budzie», — skazaŭ Kryvušenka.
Jak paviedamlaje «Priessboł», uviečary 1 vieraśnia nacyjanalnaja kamanda praviała lohkuju treniroŭku, paśla čaho trenierski štab adpuściŭ hulcoŭ da abiedu nastupnaha dnia. Nazaŭtra ranicaj z «volnaj» viarnuŭsia forvard salihorskaha «Šachciora» Dzianis Łapcieŭ — u stanie, mała sumiaščalnym z vystupami za zbornuju krainy. Acaniŭšy stupień adekvatnaści padapiečnaha i pracu jaho viestybularnaha aparata, Kryvušenka adrazu ž adpraviŭ jaho dadomu — paprostu kažučy, adličyŭ.
Tym ža viečaram 1 vieraśnia jašče čaćviora futbalistaŭ byli zaŭvažanyja ŭ staličnym piŭnym restaranie «Hambrynus». Heta chaŭbiek «Niomana» Pavieł Savicki, abaronca bresckaha «Dynama» Dźmitryj Alisiejka, paŭabaronca kijeŭskaha «Dynama» Mikita Korzun i napadajučy minskaha «Dynama» Anton Saroka. Jakim było ich mieniu, nieviadoma. Sami ž hulcy śćviardžajuć, što nijakaha śpirtnoha ŭ aficyjna volny ad pracy čas nie zakazvali.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary