U Ministerstvie justycyi raspaviali, čamu niekatorych minskich advakataŭ adpravili na pazačarhovuju atestacyju. I chto jašče, akramia viadomaha jurysta Hanny Bachcinoj, budzie pazbaŭleny licenzii.
Paviedamlajecca, što ŭ hetym hodzie ministerstva pravodziła płanavyja pravierki ŭ Mahiloŭskaj abłasnoj i Minskaj haradskoj kalehijach advakataŭ.
U niekatorych znajšli parušeńni, naprykład «złoŭžyvańnie advakatam svaim pravam na zapyt infarmacyi, što ŭtrymlivaje piersanalnyja dadzienyja hramadzian», praca biez afarmleńnia damovy i inšaje. Usio heta stała padstavaj dla pazačarhovaj atestacyi dadzienych advakataŭ, piša Tut.by.
«U adpaviednaści z Zakonam ab advakatury da abaviazkaŭ advakata adnosicca dakładnaje i niaŭchilnaje vykanańnie zakanadaŭstva», — padkreślili ŭ Miniuście.
U vyniku 12 vieraśnia praviali atestacyju 19 advakataŭ Minskaj haradskoj kalehii. Tolki 13 ź ich «adpaviadajuć patrabavańniam zakanadaŭstva». U jašče čatyroch «niapoŭnaja adpaviednaść», tamu ich atestacyju adterminavali na paŭhoda, a pakul treba pavysić kvalifikacyju.
Jašče dva advakaty pa rašeńni kamisii, Hanna Bachcina i Litvin H.A., nie mohuć praciahnuć pracu «z pryčyny niedastatkovaj kvalifikacyi». Z 27 vieraśnia budzie spyniena dziejańnie ich licenzij.
Hanna Bachcina pracavała nad mnohimi hučnymi kryminalnymi spravami: ad Iryny Chalip pa spravie «Płoščy» da Mirasłava Łazoŭskaha pa spravie «Biełaha lehijonu». U jaje 38 hadoŭ stažu ŭ jurysprudencyi, niekali pracavała ŭ prakuratury.
Pra advakata Litvin H.A. viadoma mienš. Juryst z takim ža imiem, Hanna Litvin, abaraniała intaresy abvinavačanaha ŭ spravie ab zabojstvie Julii Sałamacinaj u Minsku.
Akramia taho, jašče dva advakaty spyniać pracu z-za hrubych parušeńniaŭ licenzijnych patrabavańniaŭ — Janovič I.A. i Navumovič M.M.
Tym časam, nahadajem, pravaabaroncy patrabujuć spynić «ŭmiašańnie dziaržorhanaŭ u dziejnaść advakatury». I zaklikajuć Minskuju haradskuju kalehiju advakataŭ nie adličvać Hannu Bachcinu sa svajho składu.
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču18
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz3333
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz33
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary