Juryj Dudź raspavioŭ, jak suśvietnaja pop-zorka padčas turne sa sceny padziakavała biełaruscy
Ispanskaja pop-dziva Rasalija zaraz znachodzicca ŭ suśvietnym tury pad nazvaj «Lux». U rodnaj Barsiełonie jana dała čatyry vystupy. Padčas finalnaha ź ich artystka sa sceny rasčuliła šmattysiačny natoŭp, padziakavaŭšy svajoj nastaŭnicy — biełaruskaj balerynie Taćcianie Jerachaviec, jakaja za paŭtara miesiaca pastaviła śpiavačku na puanty. Pra heta ŭ svaim kanale raskazaŭ rasijski błohier Juryj Dudź.
Rasalija, jakaja ŭvieś čas ekśpierymientuje, u novym turne vyrašyła stać na puanty. Dla hetaha joj spatrebiłasia škoła, jakuju jana znajšła ŭ Barsiełonie ŭ asobie biełaruski Taćciany Jerachaviec — byłoj salistki minskaha Vialikaha teatra.
Taćciana Jerachaviec — imia, viadomaje ŭ prafiesijnych kołach. Vypusknica Biełaruskaha chareahrafičnaha kaledža, jana była salistkaj Vialikaha teatra pad kiraŭnictvam Valancina Jelizarjeva, vystupała na najlepšych placoŭkach śvietu ad Łondana da Paryža. U 2002 hodzie pryma pierajechała ŭ Barsiełonu, dzie zasnavała Yerakhavets Ballet Academy.
Padrychtoŭka da turne Rasalii była intensiŭnaj. Kab śpiavačka mahła ŭpeŭniena trymacca ŭ baletnych numarach, pastaŭlenych marsielskim kalektyvam La Horde, Taćciana pracavała ź joj paŭtara miesiaca.
Biełaruskaja nastaŭnica nie chavała emocyj paśla publičnaj padziaki ad zorki. U sacsietkach baletnaj škoły Jerachaviec napisała:
«Ja tak rada i hanarusia!!! Učorašni dzień staŭ dla mianie nievierahodna asablivym momantam, i ja zapomniu jaho na ŭsio žyćcio. Dziŭnaja Rasalija, cudoŭnaja śpiavačka, artystka, aŭtarka piesień i jašče bolš vydatny čałaviek. Mnie paščaściła asabista pierakanacca ŭ jaje vielizarnym talencie, ubačyć, jak staranna jana pracuje i jak pavažliva i ścipła padychodzić da ŭsiaho pracesu navučańnia. Dziakuj, Rasalija, za toje, što ty prymusiła mianie adčuć siabie kaštoŭnaj».
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym15
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
[Zredahavana]