Praz amal čatyry dziesiacihodździ Google Maps danios da naščadkaŭ pasłańnie, pakinutaje lesarubami ŭ dalokim krai, na miažy Kazastanu j rasiejskaj Sibiry: «Leninu 100 hadoŭ». Heta nia pieršy ziamny ekspanat u kalekcyi dzivosaŭ, što vidać tolki ź niabiosaŭ.
Kali 38 hadoŭ tamu ŭ dalokim kazastanska-sibirskim pamiežžy lesaruby valili roŭnymi radami ahromnistyja drevy, ci mahli jany raźličvać na takuju papularnaść svajoj nialohkaj pracy?!. Ciapier ža dziakujučy spadarožnikavym zdymkam Google'a tvor lesarubnaha mastactva staŭ viadomy na ŭvieś śviet. Z vysoznaha lesu, miž drevaŭ za paŭsotni metraŭ ŭvyški vysiečany 600-metrovy nadpis: «Leninu 100 hadoŭ».
Zvažajučy na źmiest, čas i miesca, ciažka ŭjavić niešta inšaje, jak idealahičny zakaz, vykanany padniavolnaj pracaj. Hetak i jubilej adznačyli, i ŭ centar adrapartavali, i mo navat amerykanskich špiehaŭ lesapisam urazili. U časie chałodnaj vajny dla varožych spadarožnikaŭ nia toje što nadpisy — butaforskija placoŭki zapusku jadziernych rakiet budavali.
Tym časam, sprava sibirskich lesarubaŭ «žyvie i pieramahaje». Siońnia na ziamli bahata čaho robicca ŭ raźliku na niabiesnaha hledča, i nie z-pad pałki, a dla zabavy. Fihurki žyvioł, kruhi na palach, žartaŭlivyja i navat nieprystojnyja malunki ahromnistych pamieraŭ. Voś tolki niekalki prykładaŭ zabaŭnych spadarožnikavych zdymkaŭ, znojdzienych pilnymi karystalnikami.
Najvialikšy lahatyp Koka-koły ŭ śviecie, Čyli
Adbitak palca, Vialikabrytanija
Vitruvijanski čałaviek, Italija
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary