Pasolstva Biełarusi va Ukrainie vykazała pratest z-za chulihanskaj akcyi la dypmisii
Pasolstva Biełarusi va Ukrainie vykazała pratest u suviazi z chulihanskimi dziejańniami la budynka dypmisii ŭ Kijevie. Pra heta havorycca ŭ zajavie na sajcie pasolstva.
U dyppradstaŭnictvie raspaviali, što 23 vieraśnia hrupa nieŭstanoŭlenych ludziej pierad budynkam pasolstva Biełarusi praviała chulihanskuju akcyju antybiełaruskaj skiravanaści.
«Bieručy pad uvahu, što ŭdzielniki akcyi chavali tvary, pavodzili siabie nachabna i ahresiŭna, vykarystoŭvali fajery, pasolstva Biełarusi va Ukrainie vykazała pratest ukrainskamu boku i zapatrabavała pravieści adpaviednaje rasśledavańnie», — havorycca ŭ zajavie.
Akramia taho, pasolstva patrabuje harantavać biaśpieku funkcyjanavańnia biełaruskaj dypłamatyčnaj misii ŭ adpaviednaści sa art. 22 Vienskaj kanviencyi ab dypłamatyčnych znosinach ad 18 krasavika 1961 hoda.
Va ŭkrainskich ŚMI i adkrytych krynicach nie zhadvajecca ab praviadzieńni jakoj-niebudź akcyi la biełaruskaj dypmisii 23 vieraśnia.
Kamientary