Iran moža vyjści ź jadziernaj ździełki ŭ vypadku, kali z boku inšych udzielnikaŭ suśvietnaj supolnaści budzie zroblena sproba adnavić sankcyi, zajaviŭ kiraŭnik iranskaha MZS Machamad Džavad Zaryf.
«Kali Iran u niejki momant adčuje, što dziejańni, što prymajucca procilehłym bokam u pytańni źniaćcia sankcyj, dla Isłamskaj Respubliki niedastatkovyja, tady ŭ Irana budzie niekalki opcyj, i adna ź ich - vychad ź dziejučaj jadziernaj ździełki», - cytuje ahienctva Błumbierh zajavu Zaryfa.
Ministr udakładniŭ, što ŭ vypadku adnaŭleńnia sankcyj u śfierach, jakija pradstaŭlajuć asablivuju cikavaść dla Irana, siarod jakich handal naftaj i prodaž pavietranych sudoŭ, IRI «pakidaje za saboj prava prymać rašeńnie pra svaju prysutnaść u jadziernaj ździełcy».
U piatnicu prezident ZŠA Donald Tramp ŭ zvarocie da amierykancaŭ admoviŭsia aficyjna paćvierdzić kanhresu, što Iran vykonvaje pahadnieńnie pa jadziernaj prahramie.
Tramp taksama skazaŭ, što Bieły dom budzie pracavać z kanhresam nad «surjoznymi niedachopami» mižnarodnaha pahadnieńnia ź Iranam, i paabiacaŭ, što ZŠA uviaduć suprać Irana novyja sankcyi za padtrymku teraryzmu.
Iran i «šaściorka» mižnarodnych pasiarednikaŭ (ZŠA, Vialikabrytanija, KNR, Francyja, Hiermanija, RF) 14 lipienia 2015 hoda dasiahnuli histaryčnaha pahadnieńnia ab urehulavańni šmathadovaj prablemy iranskaha atama. Byŭ pryniaty Sumiesny ŭsioabdymny płan dziejańniaŭ (SVPD), vykanańnie jakoha zdymaje ź Irana ŭviedzienyja raniej ekanamičnyja i finansavyja sankcyi z boku Rady Biaśpieki AAN, ZŠA i Jeŭrasajuza.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar16
Kamientary