Štab televiadučaj Ksienii Sabčak, jakaja 18 kastryčnika zajaviła pra svoj namier udzielničać u prezidenckich vybarach u Rasii, pryciahnuŭ dyrektara Centra daśledavańnia postindustryjalnaha hramadstva Uładzisłava Inaziemcava dla padrychtoŭki ekanamičnaj prahramy. Kansultuje kampaniju Sabčak palittechnołah Vital Šklaraŭ, jaki pracavaŭ sa štabami Anhieły Mierkiel, Bierni Sandersa, Baraka Abamy i eks-deputata Dziarždumy Rasii Dźmitryja Hudkova.
Šklaraŭ raspavioŭ RBK, što Sabčak zaprasiła jaho ŭ kamandu kala tydnia tamu. «Ja budu adkazvać za mabilizacyju, za pracu z moładździu, za ŭciahvańnie jak maha bolšaj kolkaści ludziej», - rastłumačyŭ jon.
Pavodle słoŭ śpiecyjalista, jon zaklikany mabilizavać «tuju častku ludziej, dziaŭčynak, chłopčykaŭ, jakija hladzieli «Dom-2», — 18-hadovych, jakija naradzilisia faktyčna ŭ momant inaŭhuracyi Pucina».
Nijakich kankretnych zadač štab pierad im nie staviŭ, i pra damoŭlenaści Sabčak z pradstaŭnikami apazicyi jamu nie viadoma, zajaviŭ Šklaraŭ.
Vital Šklaraŭ naradziŭsia ŭ Homieli, vučyŭsia ŭ Homielskim dziaržaŭnym univiersitecie na fakultecie zamiežnych moŭ i paralelna pracavaŭ u dabračynnych fondach, dapamahajučy čarnobylcam i dziciačych damach pa linii Čyrvonaha Kryža i dabračynnych arhanizacyj Hiermanii.
U 1996 hodzie pastupiŭ va ŭniviersitet u Nižniaj Saksonii, pracavaŭ na vybarčych kampanijach u hetaj krainie.
Zatym pierajechaŭ u ZŠA, dzie ŭ 2008 h. trapiŭ i ŭ kamandu budučaha prezidenta ZŠA Baraka Abamy, a ŭ minułym hodzie pracavaŭ u kiraŭnictvie štaba Bierni Sandersa, što prajhraŭ prajmieryz Chiłary Klintan.
***
Na telehram-kanał «Našaj Nivy» možna padpisacca tut.
***
Padnahotnaja prezidenckaj honki ŭ Amierycy — u intervju ź biełarusam, jaki pracavaŭ u kiraŭnictvie štaba Sandersa
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty23
Kamientary