Vajna jak idée fixe našaj sučasnaści: humanitaryi šukajuć alternatyvu vajennamu patasu i raspaŭsiudu militarysckaj rytoryki.
Humanitaryi ź Litvy, Ukrainy, Rasii i Biełarusi źbiarucca ŭ Minsku dziela asensavańnia aktualnaj sacyjalna-palityčnaj situacyi ŭ rehijonie i mahčymaściaŭ humanitarnaj refleksii va ŭmovach «vajennaha času».
28-29 kastryčnika ŭ Minsku adbudziecca kanfierencyja «Łohas i patas: humanitarnaja refleksija va ŭmovach vajny». Arhanizatarami padziei vystupili: Mižnarodnaja asacyjacyja humanitaryjaŭ, Jeŭrapiejski humanitarny ŭniviersitet (Vilnius), Latučy ŭniviersitet (Minsk), Centr miždyscyplinarnych humanitarnych daśledavańniaŭ (Minsk), Instytut «Palityčnaja śfiera» (Minsk-Vilnius). Vyklik, na jaki pavinna dać adkaz praca kanfierencyi, zadaje sacyjalna-palityčnaja situacyja va ŭschodnie-jeŭrapiejskim rehijonie. «Nieabvieščanaja vajna» va Ukrainie, jakaja razharnułasia jak u realnym, tak i ŭ virtualnym (miedyjnym) vymiareńniach, pryviała da nadzvyčajnaha nahniatańnia rytoryki vajny, schilnaści da kvaziracyjanalnych abhruntavańniaŭ i afiektaŭ ŭ duchu «a la guerre comme a la guerre». Usio čaściej — i palitykami, i humanitaryjami — abmiarkoŭvajucca mahčymyja scenaryi novaj vajny, akupacyi i h.d., i užo nie zrazumieła, ci zdolnyja my vyrvacca z hetaha zamknionaha koła «militarysckaj honki» na palach našaj śviadomaści.
Ci moža humanitarnaja vieda stać srodkam supraćstajańnia prapahandzie? Jakija kulturnyja ci mastackija praktyki mohuć być vykarystanyja dla dekanstrukcyi «ujaŭnaj vajny»? Nakolki sama humanitarnaja dumka zdolnaja zastavacca pa-za ramkami ideałahičnaha supraćstajańnia i farmavać dziejsnuju alternatyvu militarysckaj rytorycy i nahniatańniu patasu mahčymaj vajny?..
Pracoŭnyja movy kanfierencyi: biełaruskaja, ruskaja, ukrainskaja.
Z prahramaj kanfierencyi možna paznajomicca tut.
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ8
Kamientary