Kiraŭnik Čačni Ramzan Kadyraŭ zaklikaŭ pachavać Uładzimira Lenina. Pra heta jon napisaŭ u svaim Telegram-kanale.
Na dumku Kadyrava, «davoli hladzieć na trup Lenina». Kiraŭnik Čačni miarkuje, što Lenina «daŭno treba pachavać nazaŭsiody, heta i razumna, i čałaviečna». Kadyraŭ adznačyŭ, što «niapravilna, što ŭ samym sercy Rasii, na Krasnaj płoščy, staić truna ź niabožčykam».
Razam z tym pytańnie ab pachavańni Lenina pavinien vyrašać prezident Uładzimir Pucin. Adnak Kadyraŭ padkreśliŭ, što rašeńnie ab pachavańni nie pavinna być vybaračnym. «Addać ziamli treba jak cieła Lenina, tak i naiba imama Šamila Chadžy-Murata, hałava jakoha pa hety dzień zachoŭvajecca ŭ muziei Sankt-Pieciarburha», — dadaŭ kiraŭnik Čačni.
Kamientary