Hetaj vosieńniu hurt BI-2 pradstaviŭ publicy svoj novy albom «Haryzont padziej», da vychadu jakoha muzykanty rychtavali prychilnikaŭ jašče ź viasny, pradstaŭlajučy i anansujučy niečakanyja duety i kampazicyi, a taksama napiaredadni prezientacyi płaścinki vypuścili LIVE z repietycyi novaj prahramy, tym samym padvodziačy hledačoŭ da taho, što dziasiaty albom stanie važnaj padziejaj u tvorčaści hurta. Vypuścili — i adrazu ž adpravilisia ŭ vialiki tur pa haradach Rasii i, naturalna, pryviazuć prahramu i ŭ Biełaruś. Kancertnaja prezientacyja alboma ŭ Minsku projdzie 31 sakavika na scenie «Minsk-Areny». Kvitki ŭžo ŭ prodažy.
Praca nad płaścinkaj «Haryzont padziej» viałasia apošnija dva hady, i, pa pryznańni muzykaŭ, samym składanym u pracy akazałasia źviadzieńnie alboma, bo muzyki šukali novaje hučańnie ŭ ramkach hurta BI-2. U vyniku ŭ albom uvajšło 11 piesień i 5 bonus-trekaŭ. Takija pieśni, jak «Łajki», «Lotčyk», «Alisa» i sumiesny trek z rasijskim repieram Aksimironam «Čas viartacca dadomu», užo znajomyja hledačam i hučać u mnohich chit-paradach Rasii i SND. Darečy, Šura i Lova vyrašyli nie raskryvać sens nazvy alboma i piesień, pakidajučy prastoru dla fantazii słuchačoŭ płaścinki. Muzyki pryznajucca, što heta «peŭnaja kryžavanka, jakuju słuchačam treba samim razhadać i zrazumieć, što my tudy zašyfravali».
Uvieś albom možna prasłuchać na Jandeks.Muzyka.
Śpiecyjalna dla hastrolnaha tura «Haryzont padziej» raspracavana niestandartnaja scenahrafija, jakaja vydatna dapaŭniajecca śvietłavym i videašou. Pa pryznańni muzykaŭ, vystupać na fonie čornaha zadnika — sumna i niecikava, tamu nad kožnym šou muzykanty karpatliva pracujuć i pradumvajuć usie drobiazi pierformansa.
— U hety raz była pastaŭlena nastupnaja zadača: nam chaciełasia, kab u kožnym horadzie, niachaj heta budzie Minsk, Nižni Noŭharad, Maskva ci Picier — usie našy prychilniki bačyli adno i toje ž šou. Niezaležna ad pamieru placoŭki. I razam z našymi siabrami, kampanijaj «Imlight», my prydumali ŭnikalny ekran — pavarotny va ŭsich płoskaściach. Za try miesiacy jany stvaryli śpiecyjalnyja kranštejny — takich niama nidzie ŭ śviecie. Naš ekran budzie ruchacca va ŭsich płoskaściach i kirunkach, i ŭ hledača budzie stvaracca adčuvańnie, što jon znachodzicca ŭ kaśmičnym karabli ci ŭvohule ŭ kosmasie. Videakantent padrychtavaŭ režysior Ihar Šmialoŭ, a dyzajn raspracavaŭ Mishka Luganski. Usie raskryvać nie budu — chutka sami ŭsio ŭbačycie, — prakamientavaŭ budučyja vystupy Šura Bi-2.
Naturalna, na kancertach tura «Haryzont padziej» BI-2 vykanajuć i greatest hits, bieź jakich hurt prosta nie adpuściać sa sceny.
Uzrostavaje abmiežavańnie - 12+
Košt kvitkoŭ: Fan-zona — 79 rub, tancpoł — 59 rub. Siektary — ad 44 da 119 rub.
Daviedki pa telefonach: +375 29 650 11 33
Kvitki biez kamisii na sajcie allstars.by, u biletnych apierataraŭ, a taksama ŭ kasach horada.
Kamientary