9 listapada a 18-j hadzinie ŭ Domie Vańkovičaŭ (vuł. Internacyjanalnaja) u ramkach cykła «Miesiac polskaj litaratury» adbudziecca prezientacyja knihi ŭspaminaŭ Zyhmunta Miniejki «Z tajhi pad Akropal. Uspaminy z 1848—1866 hadoŭ».
Uspaminy pierakłała Maryna Zapartyka, a kniha vyjšła ŭ sieryi «Biełaruskaja miemuarnaja biblijateka» y vydaviectvie «Limaryus» pry padtrymcy Polskaha Instytuta ŭ Minsku. Viadoŭca — paet i pierakładčyk Andrej Chadanovič, paviedamlaje Polski instytut u Minsku.
Zyhmunt Miniejka naradziŭsia ŭ 1840 h. u Bałvaniškach na Hrodzienščynie. U 1858 h. pastupiŭ u Mikałajeŭskuju vajskovuju akademiju Hienštaba. U 1861 h. vykładaŭ praviły fartyfikacyi ŭ Hienui. Udzielnik Paŭstańnia 1863 hoda na Ašmianščynie. Asudžany na śmierć, ale śmiarotny vyrak byŭ zamienieny na 12 hadoŭ katarhi ŭ Sibiry, adkul uciok. Apynuŭsia ŭ Hrecyi. Zajmaŭsia archieałohijaj i znajšoŭ chram Zieŭsa ŭ Dadonie, budavaŭ alimpijskija abjekty, prymaŭ udzieł u hreka-tureckich vojnach. U 1910 h. hrečaski parłamient nadaŭ jamu zvańnie hanarovaha hramadzianina krainy. Jahonaja dačka Safija była žonkaj Hieorhijasa Papandreu — premjera Hrecyi ŭ 1944—1945, 1963—1965 hh.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak30
Kamientary