U Indyi adrazu paśla naradžeńnia pamierła dzicia-rusałka biez vyznačanaha połu
Dzicia ź sirenamielijaj (tak zvanym sindromam rusałki), pamierła ŭ Indyi praz čatyry hadziny paśla naradžeńnia, paviedamlaje Daily Mail.
Niemaŭla źjaviłasia na śviet sa zrosłymi nahami i niedaraźvitym tazam. Lekary nie zmahli vyznačyć jaho poł, bo ŭ dziciaci całkam adsutničali vonkavyja pałavyja orhany.
Adznačajecca, što maci dziciaci, 23-hadovaja Muskura Bibi, nie nazirałasia na praciahu ciažarnaści i nie viedała pra stan płodu. U jaje i baćki niemaŭlaci nie było hrošaj na miedycynskaje absłuhoŭvańnie.
Sirenamielija sustrakajecca ŭ adnym vypadku na 100 tysiač narodžanych. Zvyčajna takija dzieci pamirajuć na pieršy-druhi dzień žyćcia.
U 2004 hodzie ŭ Pieru naradziłasia «rusałka» Miłahras Sieron, jakaja paśla niekalkich apieracyj atrymała mahčymaść chadzić.
Kamientary