Siryja paskardziłasia ŭ AAN na miesiendžar Telegram, a Telegram — na Rasiju
Siryja zaklikała Radu biaśpieki AAN pryniać miery dla baraćby ź niezakonnym handlem zbrojaj praz servis abmienu paviedamleńniami Telegram. U jakaści dokazu Damask pryvioŭ publikacyju ŭ časopisie Foreign Policy, u jakoj raspaviadajecca pra zbyt zbroi, u tym liku vyrablenaj u ZŠA, praz papularny miesiendžar.
Vydańnie Foreign Policy adznačała, što nie moža dakładna paćvierdzić fakt prodažu zbroi, adnak padkreślivała, što ab jaje niezakonnym abarocie śviedčać «maštab rynku, tysiačy karystalnikaŭ i pasty z unikalnymi ŭzorami ŭzbrajeńniaŭ».
Časopis, u pryvatnaści, apublikavaŭ dziasiatki skrynšotaŭ z fotazdymkami pierapiski i zbroi, uklučajučy vyrablenyja ŭ ZŠA ahniastrelnuju zbroju i častki supraćtankavych rakietnych kompleksaŭ.
Telegram suprać Rasii
Niezaležna ad hetaha vypadku ŭ AAN źviarnulisia i jurysty, jakija pradstaŭlajuć sam miesiendžar Telegram.
Pravaabarončaja hrupa «Ahora» źviarnułasia da pradstaŭnika AAN pa pytańniach prava na svabodu słova Devida Kajie z prośbaj nie dapuścić błakavańnia miesiendžara ŭ Rasii.
Advakaty padkreślivajuć, što praz admovu kampanii paviedamić FSB klučy šyfravańnia karystalnickich pierapisak Telegram mohuć zabłakavać u Rasii. Pradstaŭniki «Ahory» tłumačać, što «ni ŭ kaho, uklučajučy raspracoŭščyka prahramnaha zabieśpiačeńnia i administratara servisu, niama techničnaj mahčymaści atrymać abo vyrabić dublikaty hetych klučoŭ».
Pradstaŭniki Telegram ličać, što dziejańni rasijskich uładaŭ skiravanyja na «źniščeńnie ananimnaści ŭ internecie».
Pravaabaroncy nahadvajuć Kajie, što heta supiarečyć jaho ŭłasnaj pazicyi i rezalucyi Hienieralnaj asamblei AAN «Prava na niedatykalnaść pryvatnaha žyćcia ŭ ličbavuju epochu».
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary