Z 23 traŭnia film «Kod da Vinčy» źniaty z prakatu. «Ciapier hetuju abrazu Chrysta nia buduć pakazvać u Biełarusi», — skazaŭ ksiondz-probašč Čyrvonaha kaściołu Ŭładzisłaŭ Zavalniuk. Jon padziakavaŭ parafijanam, jakija tryvali razam ź im post suprać karciny «Kod da Vinčy».
Z 23 traŭnia film «Kod da Vinčy» źniaty z prakatu. «Ciapier hetuju abrazu Chrysta nia buduć pakazvać u Biełarusi», — skazaŭ ksiondz-probašč Čyrvonaha kaściołu Ŭładzisłaŭ Zavalniuk. Jon padziakavaŭ parafijanam, jakija tryvali razam ź im post suprać karciny «Kod da Vinčy».
Ab haładoŭcy ksiondz Uładysłaŭ abviaściŭ prychadžanam 17 traŭnia paśla viečarovaj imšy. «Kali vašych baćkoŭ abražajuć i prydumlajuć pra ich nieviadoma što, to vy možacie źviarnucca ŭ sud. A tut abraza samaha śviatoha — Chrysta», — tłumačyŭ jon pryčyny svajho pratestu.
Ksiondz Uładzisłaŭ byŭ udzielnikam pasiedžańnia Dziaržrehistru, jaki vyrašaŭ los karciny. Adrazu paśla prahladu pradstaŭniki kaściołu i pravasłaŭnaj carkvy vykazalisia suprać prakatu kinastužki ŭ Biełarusi.
Prakatčyki ž spasyłalisia na abaviazki pierad hledačami i kazali, što zabaronieny płod sałodki: «Prynamsi tydzień film budzie iści».
— Prynamsi tydzień ja budu trymać čysty post, — adkazaŭ na heta ksiondz-probašč. Jon paraŭnaŭ premjeru karciny, pastaŭlenaj pa skandalnaj knizie Dena Braŭna, ź bluźnierstvami ateistyčnych časoŭ. «Kali nas, chryścijanaŭ, nia słuchajuć, to, moža, z Čyrvonaha kaściołu znoŭ zrabić Dom kino?»
Šče 13 j 14 traŭnia ŭ kaściole prajšli lekcyi prafesara Michała Ciaŭłoŭskaha pra knihu «Kod da Vinčy». A Ŭładysłaŭ Zavalniuk adpraviŭ list aŭtaru knihi, dzie zaklikaŭ da pakajańnia. U detektyŭnym trymcieńniku Den Braŭn vinavacić carkvu ŭ zmovie schavać naščadkaŭ Chrysta j Maryi Mahdaliny i nazyvaje seks sapraŭdnym kodam Eŭcharystyi.
Mienskaja kinapremjera «Kodu da Vinčy» adbyłasia razam z suśvietnaj — 18-ha traŭnia. Ale paśla taho, jak vierniki zaśviedčyli surjoznaść namieraŭ, film byŭ źniaty z prakatu.
Andrej Rasinski
-
«Łukašenka ŭjaŭlaje, što Polšča mahła b admovicca ad padtrymki biełaruskaj apazicyi ŭ abmien na Pačobuta. Hetaha nie budzie»
-
Chalezin: Treba pytacca «što vy vytvarajecie» nie ŭ Babaryki, a ŭ jaho daradcaŭ
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
Ciapier čytajuć
Andrej Švied, architektar represij, pryznačany staršynioj Viarchoŭnaha suda10
Kamientary