Bijołahi vyśvietlili, kudy ruchajecca evalucyja mužčyn i žančyn
U apošnija hady navukoŭcy časta spračajucca ab tym, ci spyniłasia evalucyja ludziej paśla taho, jak uźnikli pieršyja cyvilizacyi i ich pradstaŭniki pierajšli da žyćcia ŭ vialikich hramadstvach. Niekatoryja bijołahi zajaŭlajuć, što bijałahičnaja evalucyja Homo sapiens zapavoliłasia abo navat spyniłasia. Niekatoryja ź imi nie zhodnyja.
Piter Visšar z Kvinsłendskaha ŭniviersiteta (Aŭstralija) i jaho kalehi pasprabavali znajści ślady naturalnaha adboru siarod 500 tysiač brytancaŭ 50—70 hadoŭ, jakija achviaravali svaju DNK prajektu Biobank, paviedamlajeca ŭ artykule, apublikavanym u časopisie PNAS.
Navukoŭcaŭ cikaviła toje, jak roznyja drobnyja varyjacyi ŭ hienach i admietnych rysach anatomii i źniešnaści mohuć upłyvać na kolkaść ich dziaciej. Padčas ekśpierymientu było vydzielena kala dziasiatka rysaŭ ich źniešnaści i anatomii, a taksama źviazanyja ź imi hieny, jakija ŭpłyvali na repraduktyŭny pośpiech.
Daśledčyki pryjšli da vysnovy, što evalucyja čałaviectva nie spyniłasia, i jana šturchaje mužčyn u bok pavyšeńnia masy cieła, a žančyn — u bok siaredniaha rostu i rańniaha nastupleńnia pałavoje śpiełaści.
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja10
Kamientary