Rasijskija lohkaatlety masava zachvareli, daviedaŭšysia pra dopinh-kantrol. Try z pałovaj dziasiatka ŭdzielnikaŭ źnialisia z spabornictvaŭ u Irkucku paśla pryjezdu dopinh-aficeraŭ, paviedamlaje «Čempijanat».
Historyja adbyłasia 13—14 studzienia ŭ Irkucku, na čempijanacie i pieršynstvie Sibirskaj fiederalnaj akruhi pa lohkaj atletycy ŭ pamiaškańni. Na spabornictvy ŭ Irkucku raptam nalacieŭ dopinh-kantrol ad RUSADA, i heta vyklikała nastolki vialiki stres va ŭdzielnikaŭ, što mnohija ź ich zachvareli i / abo nie źjavilisia na start, — paviedamlaje vydańnie.
Udzielnikami turniru pavinny byli stać u tym liku vieteranka čempijanataŭ Jeŭropy biahucha Natalla Arystarchava i biahun Ivan Tuchtačoŭ, udzielnik zbornaj Rasii na Alimpijadzie ŭ Łondanie. Adnak paśla niečakanaha pryjezdu śpiecyjalistaŭ RUSADA, jakija płanavali ŭziać dopinh-proby, spartsmieny pačali masava zdymacca z spabornictvaŭ.
13 spartoŭcaŭ, u tym liku Arystarchava i Tuchtačoŭ, u vyniku prynieśli daviedki pra chvarobu, a jašče 23 udzielniki albo nie startavali, albo zusim nie pryjechali na spabornictvy.
Jak paviedamili RBK va Usierasijskaj fiederacyi lohkaj atletyki (VFŁA), pa fakcie zdareńnia raspačataje ŭnutranaje rasśledavańnie.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma7
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary