Расійскія лёгкаатлеты масава захварэлі, даведаўшыся пра допінг-кантроль. Тры з паловай дзясятка ўдзельнікаў зняліся з спаборніцтваў у Іркуцку пасля прыезду допінг-афіцэраў, паведамляе «Чэмпіянат».
Гісторыя адбылася 13—14 студзеня ў Іркуцку, на чэмпіянаце і першынстве Сібірскай федэральнай акругі па лёгкай атлетыцы ў памяшканні. На спаборніцтвы ў Іркуцку раптам наляцеў допінг-кантроль ад РУСАДА, і гэта выклікала настолькі вялікі стрэс ва ўдзельнікаў, што многія з іх захварэлі і / або не з'явiлiся на старт, — паведамляе выданне.
Удзельнікамі турніру павінны былі стаць у тым ліку ветэранка чэмпіянатаў Еўропы бягуха Наталля Арыстархава і бягун Іван Тухтачоў, удзельнік зборнай Расіі на Алімпіядзе ў Лондане. Аднак пасля нечаканага прыезду спецыялістаў РУСАДА, якія планавалі ўзяць допінг-пробы, спартсмены пачалі масава здымацца з спаборніцтваў.
13 спартоўцаў, у тым ліку Арыстархава і Тухтачоў, у выніку прынеслі даведкі пра хваробу, а яшчэ 23 удзельнікі альбо не стартавалі, альбо зусім не прыехалі на спаборніцтвы.
Як паведамілі РБК ва Усерасійскай федэрацыі лёгкай атлетыкі (ВФЛА), па факце здарэння распачатае ўнутранае расследаванне.
Каментары