Dziaržaŭnaja padatkovaja inśpiekcyja Litvy chacieła atrymać dostup da dadzienych pacyjentaŭ vilenskaj pryvatnaj hiniekałahičnaj kliniki. Kiraŭnicy kliniki Vijalecie Janajtene daviałosia abaraniać hetyja dadzienyja ŭ sudzie, raźbiralnictva raściahnułasia na čatyry hady, paviedamlaje Delfi.
Janajtene vyjhrała spravu, adnak inśpiekcyja pa-raniejšamu śćviardžaje, što rašeńnie było pryniata tolki ŭ kankretnaj situacyi i jano nie asprečvaje prava inśpiekcyi na atrymańnie hetaj infarmacyi.
Pryvatnuju kliniku Janajtene naviedvajuć sotni žančyn, u tym liku ciažarnych. Dadzienyja ab ich zdaroŭi, raźvićci płoda, vykidkach mahli trapić u ruki padatkavikoŭ.
Sama Janajtene padkreślivaje — u spravach pacyjentaŭ jość nie tolki faktyčnyja asabistyja dadzienyja - imia, proźvišča, numar telefona, ale i dadzienyja pra fizičnaje zdaroŭje, sacyjalnyja i hienietyčnyja asablivaści siemjaŭ, historyi chvaroby i h.d.
Kiraŭnik pryvatnaj kliniki ličyć, što hetuju infarmacyju abaraniaje zakon ab niedatykalnaści piersanalnych dadzienych, tamu jana i źviarnułasia da advakataŭ.
Padatkaviki zapatrabavali ŭ Jonajtienie kartki ŭsich pacyjentaŭ za 2011-2013 hady.
«Kali b ja pieradała hetyja dadzienyja, pacyjenty mahli b padać na mianie ŭ sud. A z 25 maja hetaha hoda ŭstupić u siłu jašče bolš strohi rehłamient ES, za razhałašeńnie piersanalnych dadzienych buduć pahražać vialikija štrafy — da 20 młn. Jeŭra abo 4% hadavoha abarotu kampanii «, — skazała lekar.
Pradstaŭnik dziaržaŭnaj padatkovaj inśpiekcyi Ehle Ramanaŭskiene skazała, što dadzienyja kartak pacyjentaŭ padatkavikam nieabchodnyja, kali jość ryzyka, što padatkapłacielščyk moža chavać hrošy.
Kamientujučy kankretnuju spravu, Ramanauskienie skazała, što inśpiekcyja ŭličyć dadzienaje rašeńnie suda, ale jano nie abviarhaje prava padatkavikoŭ na patrabavańnie pradastavić padobnyja dadzienyja ŭ inšych vypadkach.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary