Bolš za 1400 biełarusaŭ napisali valancinki svaim damam serca, kab zrabić kachanym siurpryz da Dnia śviatoha Valancina. Sotnia ščaśliŭčykaŭ była abrana randomna i ŭžo ranicaj 14 lutaha «luboŭny hołub» Aktyvija-mail pa zajaŭkach mužčyn adpraviŭsia pa minskich vułačkach da lubimych dziaŭčat, žančyn, kab uručyć im padarunkavy set ź johurtam, kvietkami i valancinkaj z tymi samymi piaščotnymi pryznańniami ŭ kachańni.
Na minułym tydni ŭ Minsku zapuścili niezvyčajnuju pasłuhu: dastaŭku valancinak razam sa śniadankam u łožak. Arhanizatary prapanavali napisać pryznańnie ŭ kachańni svajoj druhoj pałovie abo adkrycca dziaŭčynie, jakaja daŭno padabajecca, a paśla randomna vybrali 50 ščaśliŭčykaŭ, damy serca jakich atrymali ranicaj 14 lutaha pryjemny kamplimient ad «Aktyvija» absalutna biaspłatna. Darečy, užo napiaredadni śviata kachańnia było pryniata rašeńnie pavialičyć kolkaść śniadankaŭ ŭ dva razy — tak šmat ciopłych słoŭ pisali biełarusy, tamu Aktyvija-mail vyrašyła zaachvocić jašče bolš ramantyčnych historyj! Arhanizatary atrymali niekalki socień listoŭ ad ščaślivych mužoŭ i junych zakachanych, kłapatlivych synoŭ i baćkoŭ: biełarusy niazvykła adkryta dzialilisia svaimi ramantyčnymi historyjami znajomstva, pryznavalisia ŭ pačućciach, raskazvali pra svaje piaščotnyja mianuški ci žadali druhoj pałovie lohkaha pačatku dnia. Dvoje mužčyn i ŭvohule vyrašyli takim čynam zrabić kachanym prapanovu.
— Ščyra kažučy, my nie čakali takoha ažyjatažu, a kali pačali čytać pryznańnia, adčuli tuju vielizarnuju kolkaść kachańnia ŭ biełaruskich par, jakija nie skupiacca na dalikatnyja pačućci i pryjemnyja słovy adno dla adnaho. Tamu nam zachaciełasia i sa svajho boku padaryć u dva razy bolš padarunkaŭ, — raspaviadaje Alaksandra Charolskaja, arhanizatar prajekta i pradstaŭnik brenda «Aktyvija». — My padrychtavali dadatkova 50 lohkich śniadankaŭ, vypadkovym čynam vybrali valancinki i prapanavali ich aŭtaram dastavić śniadanak u łožak samastojna, kab pryznacca ŭ svaich pačućciach kachanaj dziaŭčynie ŭžo biez pasiarednikaŭ.
U padarunku ad «Aktyvija», akramia valancinki z aryhinalnymi pažadańniami, — francuzski kruasan Brioche, lohki johurt «Aktyvija» i viasnovy bukiet Botanique, ich dastavili ranicaj z 7:00 12:00 kurjeram dastaŭki menu.by. Svaje lohkija śniadanki mnohija minčanka addali źjeli prosta ŭ pižamie, papiarednie padzialiŭšysia kadrami ŭ instahramie z chešteham #zavtrakaťlehko.
— U tym šalona rytmie, u jakim žyvuć sučasnyja biełarusy, tak nie chapaje lišnich chvilin na ramantyku. A dla hetaha ž dastatkova pieratvarać niejkija rehularnyja rečy ŭ śviata, — kaža Alaksandra Charolskaja, arhanizatar prajekta i pradstaŭnik brenda «Aktyvija». — My chočam nahadać usim biełarusam, što nie abaviazkova čakać 14 lutaha, kab radavać adzin adnaho pryjemnymi siurpryzami, a lohki śniadanak u łožak naohuł pavinien stać dobraj štodzionnaj tradycyjaj.
Što pisali biełarusy ŭ svaich valancinkach?
- Ź luboŭju babuli ad dziaduli! Upieršyniu …
- Heta vielizarnaje ščaście — pračynacca i zasynać pobač z taboj kožny dzień! Ja sapraŭdny ščaśliŭčyk, bo ty samy vialiki vyjhryš u maim žyćci! Ja vielmi vielmi-vielmi ciabie kachaju!
- Kali ty vielmi mocna i doŭha śmiaješsia, to pieryjadyčna navat rochkaješ. U hetyja chviliny ščaścia ja razumieju, što kachaju ciabie!
- Soniejka majo. Sa śviatam ciabie! Maja dziaŭčynka. Ja ciabie vielmi mocna kachaju! Mnie tak sumna, kali ty nie sa mnoj. Ty majo ŭsio. Majo žyćcio! My naviečna razam! Ja prosta kachaju ciabie! Całuju. Tvoj pusiečka.
- Treba prydumać pryładu, jakaja kanviertavali b maje pačućci da ciabie ŭ enierhiju, tady b budaŭnictva Biełaruskaj AES u Astraŭcy dakładna admianili. Kaciarynka, abdymaju i całuju!
- Amal 20 hadoŭ ja hatuju tabie śniadanki! Što b heta značyła??? Śviecik, ja ciabie kachaju!
A voś valancinki, da jakich mužčyny abiacali prykłaści toj samy zaručalny piarścionak:
- Maleńkaja, ja ciabie vielmi kachaju! I chaču, kab ty stała majoj žonkaj!
- Kolki svarak my pieražyli i kolki sprečak my vyrašyli — usiaho niejkuju drabnicu. Z tvajoj padtrymkaj ja nikoli nie prapadu, z tvajoj uśmieškaj pa žyćci ja zaŭsiody iści chaču! I voś pytańnie: ci hatovaja daryć abdymki pa ranicach, ci mahu ja z taboj sustreć staraść? Kali łaska, žonkaj ty stań mnie, viernym siabram u žyćci! Ź piarścionkam da ciabie na kryłach prylaču!
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary