U Hrodnie pačynajuć maštabnuju rekanstrukcyju nabiarežnaj Niomana
U Hrodnie pačynajecca maštabnaja rekanstrukcyja nabiarežnaj Niomana sa stvareńniem novaj rekreacyjnaj zony, paviedamiła pres-słužba Hrodzienskaha abłvykankama.
Prajekt rekanstrukcyi padzieleny na try etapy.
Pieršy etap achopić učastak ad leśvicy kala Barysa-Hlebskaj Kałožskaj carkvy da miesca ŭpadzieńnia raki Haradničanki ŭ Nioman. Jaho praciahłaść składzie 247 mietraŭ.
Na hetym učastku vulicu zrobiać piešachodnaj, šyrynioj 3,25 mietra. Kala bieraha pastaviać aharodžu, a ruch transpartu abmiažujuć — prajezd budzie dazvoleny tolki śpiecyjalnym słužbam.
Padčas uparadkavańnia źjaviacca dźvie ahladnyja placoŭki z łaŭkami, viełaparkoŭka kala leśvicy na šeść miescaŭ, a taksama infarmacyjnyja stendy pra historyju vulicy Rybackaj.
Piešachodnuju darožku vykładuć bujnafarmatnaj bietonnaj plitkaj z asobnymi ŭčastkami z hranitnaj brukavanki.
U suviazi z pačatkam rabot z 9 lipienia da 30 listapada 2026 hoda budzie časova zakryty ruch transpartu i piešachodaŭ pa vulicy Pravabiarežnaj na ŭčastku pamiž leśvicaj kala Kałožskaj carkvy i miescam upadzieńnia Haradničanki ŭ Nioman.
Za pieršym etapam rekanstrukcyi płanujuć pravieści druhi (ad raki Haradničanka da miesca prymykańnia da vulicy Pravanabiarežnaj vulicy Zavodskaj) i treci (ad miesca prymykańnia da vulicy Pravanabiarežnaj vulicy Zavodskaj da vulicy Mastavoj).
Abnavić nabiarežnuju pavinny da 900‑hodździa zasnavańnia Hrodna, jakoje budzie adznačacca ŭ 2028 hodzie.
«Pachavalnyja vianki». Ułady Hrodna spytali haradžan pra arki na hałoŭnaj vulicy. Bolš za 1000 kamientaroŭ — i amal usie suprać
Hałoŭnuju architekturnuju ŭznaharodu Biełarusi atrymaŭ prajekt źniščeńnia histaryčnych kazarmaŭ u Hrodnie. Chto jašče adznačany? ŠMAT FOTA
Hrodzieniec kupiŭ albom z fatahrafijami horada, jakim spoŭniłasia sto hadoŭ
Kolišniamu hrodzienskamu piŭzavodu vybrali nazvu i pakazali, jak jon budzie vyhladać paśla rekanstrukcyi
U Hrodnie źbirajucca zavieści razvadny most, vodnaje taksi i miesca dla johi
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary