Biełaruś raspracoŭvaje najbujniejšaje ŭ Eŭropie radovišča krejdy
Pad Małarytaj źjaviacca try novyja zavody. Jany buduć naležać kampanii «Trajpł». Prybytak ad krejdy moža paraŭnacca z dachodami ad «Biełaruśkaliju».
Pad Małarytaj źjaviacca try novyja zavody. Jany buduć naležać kampanii «Trajpł». Prybytak ad krejdy moža paraŭnacca z dachodami ad «Biełaruśkaliju».
Viosku Chacisłaŭ Małaryjkaha rajonu dakładna nie zapišuć u nieperspektyŭnyja bližejšyja hadoŭ dźvieście, a to j bolej. Niadaŭna tut pačali asvojvać najbujniejšaje ŭ Eŭropie radovišča krejdy. Da 2011 hodu pad Chacisłavam zbudujuć try zavody.
Hetaj padziei ŭ małaŭradlivym Małaryckim rajonie čakali daŭno. Pamiatajecca, minułaj viasnoj staršynia Małaryckaha rajvykankamu Kazimier Łapič aściarožna kazaŭ mnie pra investara, navat nie nazyvajučy jaho: «A raptam płany sarvucca?» Ciapier heta nie tajamnica. Novym haspadarom perspektyŭnaj zdabyčy karysnych vykapniaŭ i vytvorčaści budaŭničych materyjałaŭ stała hrupa kampanijaŭ «Trajpł».
Čamu novym? Chacisłaŭskaje radovišča vyjavili napiaredadni raspadu SSSR. Tady jašče zapasy pieršasortnaj krejdy — blizu 500 miljonaŭ ton — vyklikali ŭ navukoŭcaŭ šok. U Eŭropie druhoha takoha radovišča niama! A akramia krejdy — vapniak, kvarcavy piasok. Karysnyja vykapni zajmajuć płošču kala 2 tysiač hiektaraŭ, pryčym raźviedana tolki 400 ź ich. Zaležy znachodziacca na hłybini da 12 metraŭ ad pavierchni. Čyścinia krejdy — 96 adsotkaŭ. Heta pieršy hatunak, u toj čas jak usie dziejnyja ŭ Biełarusi radoviščy — treciaha hatunku. Što heta značyć? Najpierš toje, što našmat lepšym stanie jakaść budaŭničych materyjałaŭ. I jany buduć taniejšymi.
Ale na pačatku 90‑ch było nie da radoviščaŭ krejdy. Prajekt adkłali da lepšych časin. Ciapier «Trajpł» zbuduje ŭ Chacisłavie try zavody — pa vytvorčaści jačejkavaha betonu, sylikatnaj cehły i dyspersnaj krejdy. Čakajecca, što buduć stvoranyja kala 600 novych pracoŭnych miescaŭ.
Užo ŭ hetym hodzie zdajecca ŭ ekspłuatacyju 72‑kvaterny dom u Chacisłavie. I jašče tut buduć budavacca damy, katedžy. Usich rabočych treba zabiaśpiečyć žytłom. A ŭ rajvykankamie spadziajucca, što raspracoŭka krejdavaha radovišča papoŭnić biudžet rajonu, daść raźvićcio vioskam pablizu ad Chacisłava. Chacia možna zahadvać i na bolšaje: na dumku ekspertaŭ, radovišča krejdy pa svajoj značnaści i addačy nikolki nie sastupaje radovišču kalijnych uhnajeńniaŭ u Salihorsku.
Ciapier čytajuć
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary